Brackenfell: Beroep op polisie én kalmte

Geweld het tydens ‘n vroeëre betoging buite die Hoërskool Brackenfell in Kaapstad uitgebreek. (Foto: ANA)

Nadat geweld verlede week buite Hoërskool Brackenfell in Kaapstad tussen ouers en inwoners en ondersteuners van die EFF uitgebreek het, het die Stad Kaapstad toestemming gegee dat 100 van die EFF se lede Vrydag weer by die skool mag betoog.

Lede van die PAC beoog om Woensdag na die skool op te ruk.

Die LUR vir onderwys in die Wes-Kaap, Debbie Schäfer, het intussen gepleit vir kalmte, asook dat die beste belang van leerders in ag geneem word.

Schäfer het Dinsdag gesê hoewel die EFF daarop geregtig is om te betoog as hy ʼn geldige permit daarvoor het, moet die party dit ook verantwoordelik doen. Sy het gesê daar word van die EFF verwag om vreedsaam te betoog, van die skoolterrein af te bly – betogings op skoolterreine word ingevolge die Skolewet verbied – en om te verseker daar word aan Covid-19-maatreëls soos sosiale afstandhandhawing voldoen.

“Indien hulle nie hieraan voldoen nie, verwag ons van die polisie om dadelik inhegtenisnemings te doen,” het sy gesê.

“Dit is duidelik ʼn poging om die skool te intimideer en maak inbreuk op die regte van leerders wat eksamen skryf, veral ons matrieks. Ons leerders is vanjaar aan ongekende gebeure onderwerp en stresvlakke is hoog. Hierdie gedrag gaan net tot die druk bydra.”

Schäfer het gesê die departement is in verbinding met die skool, die polisie en die stad se wetstoepassingsowerhede om te verseker orde heers en dat leerders en personeel van die skool veilig is. Private veiligheidsbeamptes word ook ontplooi.

Reëlings is reeds getref om te verseker matrieks wat Vrydag eksamen skryf doen dit sonder enige ontwrigting en gr. 8- tot gr. 11-eksamens sal uitgestel word. Die skool is egter steeds oop en onderrig gaan voort.

“Ek doen ʼn beroep op inwoners om nie by die skool byeen te kom met die oog daarop om in onderonsies betrokke te raak nie. Enige optrede wat spanning net verder gaan opjaag, gaan dit moeiliker maak vir wetstoepassingsowerhede om hul werk te doen. Moet asseblief nie reg in eie hande neem nie.”

Schäfer het ook gesê dit is belangrik dat belange deur diegene betrokke by die skool, veral swart en bruin mense, geopper word. Die skool het reeds onderneem om dit te doen – lank voor die rasseherrie losgebars het.

Die skool het onder meer planne beraam om groter inklusiwiteit te verseker.

“Dit gaan ʼn proses wees en die EFF kan nie aanhou betoog net omdat daar nie aan sy eise voldoen word nie.”

Schäfer sê sy vergader Donderdag met provinsiale verteenwoordigers van die EFF om hul kommer oor die skool te bespreek in ʼn poging om ʼn geskikte verstandhouding oor die pad vorentoe te vind.

Okkie Terblanche, die DA se woordvoerder oor polisie, het intussen die polisie gevra om die beoogde betogings fyn top te hou en sê dit blyk dat “gevaarlike retoriek” rakende die betogings reeds aan die orde van die dag is.

Die EFF het op sy amptelike Twitter-blad gesê hy gaan Vrydag “neerdaal en verseker dat niks werk nie”.

“Dit is duidelik ʼn bedreiging om te intimideer en te destabiliseer,” sê Terblanche.

Hy sê hoewel die EFF geen vreemdeling vir aanhitsing tot geweld is nie – soos gesien kon word tydens die Clicks- en Senekal-betoging vroeër die jaar – het die PAC nou ook hierby aangesluit en dat sy leuse van #OneSettlerOneBullet ʼn duidelike aanduiding aan sy lede is om die wapens op te neem.

Terblanche sê die minister van polisie, Bheki Cele, moet verseker die polisie ondersoek die PAC en die EFF vir moontlik aanhitsing tot geweld en intimidasie in die aanloop tot hul beoogde betogings.

“Die Brackenfell-polisie moet orde handhaaf en verseker die betogings ontaard nie in chaos en geweld nie, ten spyte van wat sekerlik die beste pogings van die PAC en EFF gaan wees.

“Soos dit uit ander betogings geblyk het, skroom die EFF nie om te intimideer en te teister nie en gaan hy soms selfs so ver as om skade te berokken en eiendom te vernietig in ʼn poging om relevant te bly in ʼn land waar die Covid-19-afsondering hom ontbloot het as ʼn aandagsoeker wat net een rympie ken.

“Sonder sy rasse-uitlokking en gewelddadige betogings het die EFF geen politieke houvas nie.”

Wat betref die PAC sê Terblanche vooroordeel en rassisme as ʼn manier om politieke punte aan te teken in die hoop om stemme te lok, is ʼn gevaarlike roete met geen gelukkige einde nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Genis

Hoop regtig hulle kry op hulle baadtjie.. Hulle kry te veel lugtyd en het te veel mag in die staat se hande…

JohanR

Ummmm….dink ek sal Vrydag Brakenfell toe gaan. Ek het lanklaas soe bietjie sport gehad, en laat die adrenalien vlooi. As 100 Kommuniste opdaag dan moet 1000 boere opdaag…..as 200 Kommuniste opdaag dan moet 2000 boere opdaag. Wat doen julle Vrydag ouens? Voel julle lus om bietjie appels te gaan swaai?

Manie

Kan die COC onder DA bestuur asb aan ons verduidelik hoe hulle ‘n betoging van nie meer as 100 lede nie, vir eerskomende Vrydag aan die EFF kon toestaan???

Leana

Hierdie storie raak regtig nou belaglik en dit is tyd dat hierdie regering wakker skrik en iemand die EFF en die PAC (wat mens al vergeet het bestaan) op hulle plekke sit.

Pieter

Ek sal daar wees ek hoop groot bek malema is ook daar. Hy dink hy kan net maak wat hy wil want brein dood cyril rep nie n woord nie. Die EFF se gat man