Brahmaanbul vir R800 000 opgeveil

Die bul, R10 Sir Christoff 314/12, is vir 'n rekordprys van R800 000 opgeveil. Foto: Verskaf

Die bul, R10 Sir Christoff 314/12, is vir ‘n rekordprys van R800 000 opgeveil. Foto: Verskaf

Brahmane het die afgelope naweek rekordpryse by die R10 Brahmaan-produksieveiling in Bela-Bela, Limpopo, behaal, waar daar onder meer ʼn Brahmaanbul vir ʼn allemintige R800 000 opgeveil is.

Willem Barnard, voorsitter van die promosiekomitee by die Brahmaan Beestelersgenootskap van Suid-Afrika, het gesê die bul, R10 Sir Christoff 314/12, is aan Paul Duarté van Pretoria verkoop.

Volgens Barnard was die veiling, wat deur André Kock en Seun-afslaers aangebied is, ʼn reuse sukses, waar alle vorige rekords vir Brahmaanbeeste herskryf is. ʼn Brahmaankoei, R10 Lady Gina De Manso 93/15, is vir R100 000 opgeveil aan Christiaan Botha van Swartwater.

ʼn Brahmaankoei, R10 Lady Gina De Manso 93/15, is vir R100 000 opgeveil. Foto: Verskaf

ʼn Brahmaankoei, R10 Lady Gina De Manso 93/15, is vir R100 000 opgeveil. Foto: Verskaf

Barnard het gesê die gemiddelde prys vir wit bulle was R142 461, terwyl wit verse en koeie gemiddeld R59 850 elk gehaal het. Rooi bulle se gemiddelde prys was R48 000 en rooi verse se gemiddeld R37 000.

“Die veiling was voorwaar ʼn hoogtepunt van die Brahmaan-jaar en is deur 425 mense en 80 kopers bygewoon. Ons opregte dank aan Llewellyn en Corrie Labuschagne van R10 Brahmane vir die hoë gehalte diere wat hulle op veiling gesit het,” het Barnard gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
zoom zoom

Lekker biltong maak uit die bul

CHRISTA

Wat is die prys waarvoor Rooi Afrikanerbulle en -koeie deesdae gaan?

Voorlaaier

Se my nu!…as ou voorlaaier nu lus is vir i stukkie “steak” uit daardie duur sappige bul!…wat gaan dit my kos?….Die outjie lyk smaaklik!

Arsène Lupin

Pragtige diere (en ja, hul smaak net so lekker).

SANNA

NOM NOM VLEISIE VIR DIE YSKAS LOL