Brandbestryders spook al ure lank om ʼn weghol-veldbrand in die Kammanassie-berge in die George-omgewing in bedwang te bring. Die brand het Woensdagaand ontstaan.
Volgens die Tuinroete-distriksmunisipaliteit is die brand besig om na ʼn plaas in die omgewing te versprei. Brandbestryders van die munisipaliteit, Working on Fire (WoF) en Cape Nature doen alles in hul vermoë om te verhoed dat die brand dié private eiendom bereik.
Die munisipaliteit het in ʼn verklaring gesê die veldbrand het Woensdagaand opgevlam toe ʼn noordoostelike wind opgesteek het. Die vlamme het vinnig na alle kante van die aanvanklike geraakte gebied versprei.
“Brandbestrydingspanne gaan die dele wat toeganklik is, eerste probeer bereik,” sê die munisipaliteit.
Geen beserings of skade aan infrastruktuur is tot dusver aangemeld nie.
Wat het die brand laat begin?
Hoekom deesdae al die brande? Dit laat ‘n mens wonder.
Die wind alleen kan nie die brand stig nie msar nou ja
verwag geen vervolging nie