Brand breek uit by Krugersdorp-tronk

Foto aan Maroela Media verskaf

Foto aan Maroela Media verskaf

Oortreders het Vrydag matrasse in die J-Max-gedeelte van die Krugersdorp korrektiewe sentrum in Gauteng aan die brand gesteek.

Manelisi Wolela, woordvoerder van die departement van korrektiewe dienste, het gesê beamptes het die brand geblus en agt beamptes moes vir rookinaseming behandel word.

“Slegs 12 van die 61 oortreders wat in die eenheid aangehou word, het rookinaseming opgedoen en hulle is na openbare hospitale geneem vir ondersoek en behandeling,” het hy gesê. “Een persoon wat aan epilepsie ly en een persoon wat asma het, is volledig ondersoek en hulle bly in die hospitaal.”

Wolela het bevestig dat daar geen groot skade aan die struktuur van die gebou aangerig is nie, aangesien oortreders matrasse gebrand het.

“Veiligheidsbeamptes het die fasiliteit en aanliggende sentra betree. Die nooddiensspan is ook ontplooi om die situasie te monitor. Die ondersoek duur voort,” het hy bygevoeg.

Raynold Ndema, waarnemende streekskommissaris van Gauteng, het bevestig alles het weer na normaal teruggekeer.

Die brandstigting is by die polisie aangemeld vir ondersoek en moontlike vervolging.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
Vra maar net

Daar het ‘n week of 2 gelede by dieselfde tronk ‘n brand uitgebreek. Is dit die 2e gevak v brandstigting of is hierdie berig ou nuus?

Toubs

Ek neem aan dat hulle selle en gange weer mooi skoongemaak sal word. Kontrakteurs sal die nodige skoonmaak vd roet doen. Mure, meubelmente vensters en traliewerk weer sal verf. Nuwe matrasse, lakens en kussings weer vir elkeen gegee sal word. Sodoende sal my belasting dan ook verhoog word in die nuwe belastingjaar 2016 – 2017.
Ek het ‘n oplossing vir sulke probleme, maar dit is mos ‘n rehablitasie sentrum, nie ‘n straf uitdienende tronk nie.
NS. ‘Media’ se ‘i’ is net voor die ‘a’ :-)

Mooi naam

Dis nou ‘n mooi naam ‘oortreders’. So ‘gevangenes’, ‘tronkvoëls’, ‘misdadigers’ ens. is nou beledigend? Die woordeboeke sal ook nou dunner wees.

Arizona

Vir hulle straf behoort hulle nou op die kaal sement te slaap

Buitestander

Selfs gevanines het baie regte, moordenaars, verkagters het volle mense regte en moet met handskoene gehanteer word.
Gewone belasting betalers moet die kremenele onderhou en vertroetel.
Waarde siteem is heeltemal skeef getrek.
Gevannise skep vir hulle maklike ontssnapings roete en belasting betaalers betaal vir die gelag.