Brand breek uit by skool in Tulbagh

Brandbestryders blus die vlamme. 

’n Brand het Maandag by ’n hoërskool in Tulbagh in die Wes-Kaap uitgebreek.

Annelize Lamprecht, plaaslike brandweerhoof, het aan Maroela Media bevestig dat ʼn brand vroegoggend by die Waveren High School in dié dorp uitgebreek het. Die brand is kort daarna geblus.

Volgens Lamprecht is drie klaskamers in die brand beskadig. Niemand is in die voorval beseer nie aangesien dit voor skool plaasgevind het, het sy gesê.

Dit is nie in die stadium duidelik hoe die brand ontstaan het nie.