Twee mense het Donderdag geringe brandwonde opgedoen en drie persone moes vir rookinaseming behandel word ná ʼn brand by ʼn fabriek in Krugersdorp, Gauteng.
“ʼn Hidrolise pyp het glo uit ʼn masjien losgekom en ʼn olielekkasie veroorsaak,” het Chitra Bodasing, ʼn woordvoerder van ER24, gesê. “Die olie het op ʼn smeltkroes gespat en die brand veroorsaak.”
Paramedici het ook drie mense vir rookinaseming behandel. “Slegs een persoon moes na ʼn hospitaal geneem word vir verdere behandeling.”
Plaaslike owerhede ondersoek die voorval.