Brand by McDonalds in Durban

Die toneel by die McDonalds in Durban (8 Julie 2016) Foto: Rescue Care

Die toneel by die McDonalds in Durban (8 Julie 2016) Foto: Rescue Care

ʼn Brand het Vrydagoggend omstreeks 07:30 by ʼn McDonalds-kitskosrestaurant in Durban se middestad uitgebreek.

“Die kombuisgebied was reeds in vlamme gehul toe paramedici en brandbestryders by die toneel opgedaag het,” het Ceron Lennox, woordvoerder van Rescue Care, gesê. Die McDonalds is geleë in Old Fortweg.

“Talle pasiënte is op die toneel vir rookinaseming behandel en talle brandbestryders het saam gewerk om die brand te blus. Die brand is omstreeks 08:00 onder beheer gebring,” het Lennox bygevoeg.

Altesaam 14 pasiënte is op die toneel gestabiliseer voor hulle na ʼn nabygeleë hospitaal geneem is vir verdere behandeling.

Die oorsaak van die brand is nog nie bekend nie. Owerhede was op die toneel en stel ondersoek in.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

5 Kommentare

jongste oudste gewildste
Hendrik

Oorverhiitte olie, selfde by my suster se Steers gebeur

KarooKlong

3 Macsmoked burgers en ‘n water vir my. Van daai bonzai burgertjies.

Johann Marx

Het hulle smaaklose kos toe beter gesmaak?