Brand by Swartkop-lugmagbasis ondersoek

‘n Loods het by die Swartkop-lugmagbasis afgebrand. Foto: Verskaf

ʼn Loods het Saterdagoggend by die Swartkop-lugmagbasis in Centurion afgebrand.

Volgens die Suid-Afrikaanse Nasionale Weermag (SANW) het die brand omstreeks 05:00 uitgebreek. Die loods wat vir algemene doeleindes gebruik word, het geen vliegtuig- of museumartefakte gehuisves nie.

Daar is groot skade aan die loods aangerig en die oorsaak van die brand is nog nie bekend nie. Niemand is tydens die voorval beseer nie. Die brandweerdienste van die lugmagbasis en die Tshwane-brandweer kon die brand blus voor daar enige skade aan voertuie en toerusting in die onmiddellike omgewing aangerig kon word.

‘n Loods het by die Swartkop-lugmagbasis afgebrand. Foto: Verskaf

Die SANW sal saam met die Tshwane-brandweer werk om onmiddellik ʼn ondersoek na die oorsaak en omvang van die brand te begin.

Die meeste loodse by die lugmagbasis is as erfenisstrukture geklassifiseer aangesien Swartkop die eerste gevestigde lugmagbasis in Suid-Afrika was. Die basis en loodse is van die vroeë 1920’s af gebou.

Volgens die SANW is die vernietiging van die loods ʼn terugslag vir die lugmag. “Die hoof van die lugmag, lt.genl. Zimpande Msimang, het sedert 2012 ʼn program van stapel gestuur om die lugmag se geskiedenis te bewaar en te bevorder,” het die SANW in ʼn verklaring gesê.

‘n Loods het by die Swartkop-lugmagbasis afgebrand. Foto: Verskaf

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Johanna Botha

Dit OOK nog …die plek is reeds op sy laaaste bene !

Penellope Jones

Sommer net so….

Hmmm

Iemand kry weer ‘n nuwe herstel tender.

Hmmm

Onthou Munitoria….

Greg Menego

Really heart sore to see this. I am an reenactor that used participate at the air shows but recently been shunned and the officials dont take the participants seriously. Public is the real losers.