Brandbestryders is besig om ʼn groot brand wat Donderdag op Vlaeberg (Seinheuwel) in Kaapstad uitgebreek het, onder beheer te kry.
“Ons het met ʼn groot brand te doen weens die plantegroei wat brand,” het Theo Layne, woordvoerder van die Wes-Kaapse brand- en reddingseenheid, gesê.
ʼn Helikopter is vroeër ingespan om te help om die brand met waterbomme te bestry. Brandbestryders op die grond was teen 13:00 steeds besig om die brand te bestry.
Geen eiendom is in onmiddellike gevaar nie, en geen beserings is tot dusver aangemeld nie.
Die volgende foto’s is op die groep Volunteer Wildfire Services op Facebook geplaas. Die video is deur EWN vervaardig.