Brandbestryders in Wes-Kaap-brand beseer

Die Jonkershoek-brand van Gansbaai afgeneem. Foto: @BradleyBennell op Twitter.

Vier brandbestryders is Dinsdagaand beseer terwyl hulle ʼn brand in die Jonkershoek-natuurreservaat naby Stellenbosch in die Wes-Kaap bestry het.

“Na wat verneem word, het die brandbestryders sagteweefselbeserings opgedoen toe hulle probeer het om van die oorweldigende brand te ontsnap,” het Chitra Bodasing, woordvoerder van ER24, Woensdag gesê.

Paramedici het die brandbestryders op die toneel behandel, waarna hulle na ʼn plaaslike hospitaal geneem is vir verdere behandeling.