Brande woed in Port Elizabeth

Brande woed voort in Nelson Mandelabaai Foto: Port Elizabeth Crime News & Community Information Centre, Facebook

Nelson Mandelabaai-munisipaliteit (Port Elizabeth) in die Oos-Kaap het Donderdag gesê brande woed oor die stad heen.

Ses veldbrande woed oor die munisipaliteit heen. Brande is Woensdagaand in Colleen Glen, Bushbucks Ridge en Maitlands aangemeld en verskeie huise is bedreig. Brandweerspanne het deurnag gewerk om die brand onder beheer te bring. Geen beserings of skade aan eiendomme is aangemeld nie. Brandweerspanne kon drie huise red wat deur die brande bedreig is.

Andre de Ridder, brandweerhoof van Nelson Mandelabaai, het gesê vyf van die ses brande is nog nie onder beheer nie.

Hy het die volgende veldbrande aangemeld:
– Victorialaan naby Schoenmakerskop
– Welcomelaan in Theescombe
– Elandsrivier naby Rocklands
– Sardiniabaaiweg
– Bushbucks Ridge
– Van Stadens-ravyn

De Ridder het gesê slegs die brand in Theescombe was Donderdag laatmiddag onder beheer.

Mthubanzi Mniki, woordvoerder van die munisipaliteit, het gesê die veldbrand het sedert Woensdagaand toegeneem en informele skuilings naby die Van Stadens-ravyn is verwoes. “Slegs vier informele skuilings is tot dusver verwoes. Geen beserings is aangemeld nie,” het hy gesê. “Die wind is ʼn groot uitdaging vir die brandbestryders, maar hulle doen alles in hul vermoë om seker te maak dat persone en diere nie beseer word nie en eiendom nie beskadig word nie.”

Volgens die SA Weerdiens sal die wind na verwagting Donderdag begin bedaar en dit sal die proses vergemaklik vir die brandbestryders.

Brande woed steeds voort in die Knysna-gebied in die Wes-Kaap. Minstens vyf persone het reeds in dié brand omgekom. Lees alles oor die Knysna-brand op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
piper

hoe is dit dan die brande net in DA beheerde gebiede voorkom.

Marlene

Goeie vraag.

Kloekie

Ek se jou knysna en p.e is brandstigting……

Ben

Mense, dit kan mos nie so aangaan nie!
Ek het ñ voorgevoel dat as daar kan bewys word dat dit brandstigting was, gaan daar groot moeilikheid kom.

Pitbull

Sedert ‘n sekere firma die staatstender bekom het om brande in S.A. te bestry brand ons land. Miljarde rande word aan hierdie mense betaal om die brande e bestry. Sit bietjie 2 en 2 bymekaar dan kyk jy wat jy kry. Maar hulle moet onthou dat God Almagtig nie slaap nie. Hulle plekke wag in die hel waar die vuur nooit uitgeblus sal word nie,