Brandfort-boer se ‘aanvallers’ los; hy dalk nou aangekla

Argieffoto (Foto: imgkid.com)

Argieffoto (Foto: imgkid.com)

ʼn 70-jarige boer van Brandfort in die Vrystaat is woedend oor die nuus dat drie mans wat hom glo verlede jaar aangeval het, op vrye voet is en hy boonop dalk van moord aangekla gaan word nadat hy homself tydens die aanval verdedig het.

Maroela Media het vroeër berig Carel Gutter is op 29 Augustus in die motorhuis op sy plaas deur vier aanvallers oorweldig.

Sers. Ikobeng Hlubi, polisiewoordvoerder, het destyds gesê Gutter het in sy bakkie geklim toe ʼn verdagte skielik teen die ruit geklop en ʼn vuurwapen te voorskyn gebring het. Gutter kon deur die passasiersdeur ontsnap en vlug. Die verdagtes het op hom geskiet en hy het teruggeskiet. Een van die verdagtes is in die rug getref.

Die polisie is na die toneel ontbied en drie van die vier verdagtes, tussen 26 en 40 jaar oud, is in hegtenis geneem op aanklag van poging tot moord en roof met verswarende omstandighede. Die beseerde verdagte het op pad na die hospitaal beswyk. Die verdagtes is in September 2016 borgtog geweier.

Jaco Dempsey, Gutter se regsverteenwoordiger, het Woensdag aan Maroela Media gesê sy kliënt het hom sowat twee weke gelede opdrag gegee om ondersoek in te stel nadat hy een van die vermeende aanvallers in die dorp sien rondloop het.

“Ek het vir hom gesê dis onmoontlik, want sover my kennis strek is hul borgtog geweier en hulle is in aanhouding,” het Dempsey verduidelik. Hy het navraag by die Nasionale Vervolgingsgesag (NVG) gedoen en is ingelig dat adv. K.E. Leshie-Shalie besluit het om die saak terug te trek, aangesien hy dink “die kanse is skraal dat hulle skuldig bevind sal word”. Die mans is op 9 Februarie vrygelaat.

Alhoewel Gutter nog nie formeel aangekla is nie, is Dempsey deur ʼn polisiebeampte en lid van die NVG ingelig dat daar beplan word om hom vir moord vervolg.

“Mnr. Gutter is woedend. Hy het opdrag gegee om met ʼn private vervolging teen die mans te begin. Ons voel daar is genoegsame bewysstukke en getuies se verklarings om hulle suksesvol te vervolg en dan is daar die feit dat die landdroshof hul borgtog geweier het weens die erns van die misdryf.”

Maroela Media het navraag by die NVG gedoen oor die aangeleentheid en wag vir terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

91 Kommentare

jongste oudste gewildste
Theresa Bt

Huh – Ek sweer nou het ek alles gesien/gelees………………………………………. ??

Hendrik

Interessant ne. Ook insiggewend dat plase nou deursoek gaan word deur die polisie vir die besit van meer as 200 patrone per wapen. Wie is nou eintlik die booswig hier?

Apie

Privaatvervolging. Kontak Afriforum (Adv Gerrie Nel). Dis hoekom die kaders moor en roof soos hulle wil. Hierdie regering is n skande!!!!

Christelle

Belaglik….

Johann

Hoe siek kan dinge werklik raak in Suid-Afrika