Brandkuns in Suid-Afrika bevorder ‘gesonde grasvlaktes’

Die sprinkane met die woord “hittete” onderaan bygevoeg (Foto: Hannelize Coetzee via AP)

Die beeld van ʼn sprinkaan is op ʼn grasvlakte in Suid-Afrika ingebrand, terwyl brandbestryders toesig gehou het.

Die kunswerk is op 24 Junie 2017 naby Johannesburg geskep om die idee te bevorder dat beheersde brande voordelig is vir die land se grasvlakte-ekostelsels.

Die kunstenaar, Hannelie Coetzee, het gesê die vyf hektaar groot kunswerk is geïnspireer deur die navorsingswetenskaplike Sally Archibald, wat die belangrikheid van brande ondersoek om produktiewe weivelde te skep.

Archibald het gesê ʼn beheersde brand is ʼn tipe “vertoning”, en dit het die idee by Coetzee laat vlamvat. “Ek het besef ek kan werklike wetenskaplikes en werklike brandbestryders gebruik en ʼn grootskaalse kunswerk skep, terwyl baie belangrike en dringende omgewingskwessies aangeroer word.”

Tammy Langtry, kurator, was ook deel van die kunswerk, wat ʼn 6 km lange stap na die toneel ingesluit het vir die gehoor.

“Hannelie se werk is baie uniek, en die kunsvoorwerpe is dus ook baie uniek,” het hy gesê.

Archibald, ʼn wetenskaplike aan die Universiteit van die Witwatersrand, het gesê beheersde brande maak plek vir nuwe groei en diere vind dit “baie smaaklik”.

Sy stel ook ondersoek in oor die impak van beheersde brande op insekte en die idee van die sprinkaan is hieruit gebore.

“Ons het, in samewerking met Hannelie, besluit om die brand in ʼn beeld te omskep om dit meer opwindend te maak en ons inspireer persone om belang te stel in wetenskap,” het Felix Skhosana, nagraadse student wat ook aan die projek gewerk het, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

8 Kommentare

Wat van ·

Wat van om zuma must go so groot te maak dat dit uit sattelietfotos gesien kan word deur die hele wereld

Swartkat ·

Brandstig in Suid Afrika is nie ‘n kuns nie, dit is hoe mense elke dag hulle ” toys uit die cot” gooi as hulle nie hulle sin kry nie. Brand af !!!!!

Frikkie ·

Frikkie hou van “Hittete”
Dis kreatief en pro-aktief. Haters moet maar bietjie stik in die rook want beeheersde brande kuns bevat n’ uiters waardevolle instrument waarmee gedagtes vernuwe o.t.w. up-to -speed gebring kan word juis omdat daar so bietjie education in is van: moenie sommer net brand nie! Doen dit onder ouer-toesig en berekend en beheersd.

SARIE VAN HEERDEN ·

Ek is ‘n plaaskind en selfs vandag, as ek verby grasbrande ry en die reuk daarvan kry , dan is dit vir my ‘n aangename herinnering. Nie die gemors wat deesdae aangaan dat jy vir dae die stank kry van shacks se oorblyfsels nie.

Poot ·

Dit is werklik baie goed gedoen…..maar met eerste oog opslag het dit vir my na 2 blou wildebeest koppe gelyk. LOL!!

Willebees ·

Noudat jy dit gese het lyk dit vir my ook almeer na blouwildebeeste, of eerder vrystaat swartwildebeeste.

Jakobus ·

En ek dag al die tyd, totdat ek nou die berig lees, dit is bison buffels se koppe, dat hulle in die Vrystaat nou oor geslaan het van geblikte leeus na bisons toe.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.