Brandstigting by twee skole ná tussenverkiesing

Thabana Senior Phase School (Foto: ANA/Balise Mabona)

ʼn Brand is onderskeidelik Vrydag en Saterdag by twee skole in Mpumalanga gestig, vermoedelik deur lede van die gemeenskap wat ontevrede was met die uitslag van die tussenverkiesing Woensdag in die gebied.

“Brande is Vrydagaand en Saterdagoggend gestig by Siyathokoza Senior Secondary School en Thabana Senior Phase School,” het brig. Leonard Hlathi, woordvoerder van die polisie, gesê. “Die situasie is nou kalm en die polisie monitor die gebied. Niemand is nog tot dusver in hegtenis geneem nie.”

Jasper Zwane, woordvoerder van die departement van onderwys, het gesê “daar is geen regverdiging vir dié daad nie”. “Wat gaan nou met die leerders Maandag gebeur, as mens in ag neem dat hulle tans besig is met hul eksamen? Die departement sal beamptes na die twee skole ontplooi om die omvang van die skade te bepaal en advies te gee oor die proses wat gevolg moet word.”

Sello Matshoga, woordvoerder vir die ANC in die Nkangala-streek, het aan die African News Agency (ANA) gesê gewelddadige betogings het Donderdag in die gebied begin ná die Onafhanklike Verkiesingskommissie (OVK) aangekondig het dat ANC-kandidaat Phumzile Mnguni die onafhanklike kandidaat, Lucky Ntuli, geklop het. “ʼn Groep persone het die straat versper en na die plaaslike kantoor van die OVK opgeruk. Die groep beweer die uitslag is nie die ware weerkaatsing van die tussenverkiesing nie. Ons sê ons het wyk 7 regverdig gewen en hulle moet hof toe gaan as hulle nie tevrede is nie,” het Matshoga gesê.

Ntuli was ʼn ANC-lid, maar het in Mei as ʼn onafhanklike kandidaat geregistreer. Hy het Saterdag aan ANA gesê hy verwerp die uitslag van die tussenverkiesing omdat “daar baie slegte dinge tydens die stemmery gebeur het”. “Die brandstigting by die skole is egter ʼn kriminele element en dit is verseker nie gedoen deur die persone wat my ondersteun nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Kobus

Môre? Wat vir n ding is môre? In Arika is daar nie so ‘n vreemde ding soos môre nie. In Afrika is dit net vandag.

Wannda

Sal graag wil hoor wat “Ver links” se komentaar oor afbrand en afbreek is.

John

Nee dis waar, die nuwe generasie leerders is vuur en vlam oor geleerdheid en al die gratis opvoeding. Die idee van by geboorte grade uitdeel klink regtig nogal gangbaar voeg daarby ‘n miljoen of wat vir volgehoue voorrade brandhout en vuurhoutjies as die mense dalk later verveeld raak…. en dik boeke om die vure volhoubaar te maak… vir seine na ruimtewesens om te kom help met die bevrydingstryd… en bring baie goud en geld saam…

Johanna Botha

Watse tiepe ouer gaan brand sy eie kind se skool vra ek jou ….

Roelof

Hulle sal seker Doornpoort plaza se R14 n keer gebruik om die paaie reg te maak wat so verniel word .Want more brand ons die hospitaal af want daar is nie paaie nie .