Brandstigting vermoed ná voer in vlamme opgaan

Foto: Verskaf

Sowat 32 ton noodvoer wat vir boere in die droogtegeteisterde Sutherland in die Noord-Kaap bedoel was, het gisteraand in vlamme opgegaan.

Die voer is deur boere in die Wes-Kaap en Mpumalanga geskenk en by Sutherland se skouterrein gestoor.

Volgens Sybil Visagie van Droogtehulp Noord-Kaap word brandstigting vermoed. Sy het aan Maroela Media gesê die twee hooimiedens wat gebrand het, was 50 m uitmekaar, maar ʼn kleiner hooimied tussen die twee het nie gebrand nie.

Altesaam 40 groot bale wat sowat 500 kg elk weeg en 25 ronde bale van 350 kg elk is verwoes. Die skade word tans op sowat R100 000 geraam, maar die brand het laat vanmiddag steeds gesmeul en die finale skade sal eers later bereken kan word.

“Vir ʼn distrik wat reeds op sy knieë is, is R100 000 groot skade,” sê sy. “Die emosionele uitwerking op die reeds brose boere kan nie in rande bereken word nie.”

Hoewel die voer meestal geskenk word, is daar vervoerkoste wat steeds betaal moet word.

Verskeie mense was sedert die brand uitgebreek het op die toneel, maar dit was so intens dat nie veel gedoen kon word om van die voer te red nie.

Die voer sou vandag uitgedeel word, maar daar moet nou moontlik aanpassings aan die voerlyste gemaak word weens die brand.

Die plaaslike polisie het teen laat vanmiddag nog nie ʼn klagte oor die moontlike brandstigting ontvang nie.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
jean

En sou die klag ontvang word wat dan…….”die skuldiges is nog nie opgespoor nie”…

Baie hartseer..

Outoppie

Mens en dier kry swaar en dan word daar sulke dinge gedoen. Wat n skande

Margaret

Wat n vuil ding om te doen.

Johann cb

Dit is verskriklik hartseer en seer dat sulke wandade gepleeg word teen die mense wat ons van voedsel voorsien!

Annette

Mag reg en geregtigheid geskied! Dis laakbaar!