Brandstofprys kan tot rekordhoogte styg

Argieffoto

Die Automobiel Assosiasie van Suid-Afrika (AA) het Donderdag gesê brandstofpryse kan in Junie rekordhoogtes bereik.

Die AA sê in ʼn verklaring die skerp styging is weens sterker internasionale oliepryse en ʼn onderverhaling wat van April af oorgedra is.

“Die rand het in Mei taamlik na aan die Amerikaanse dollar verhandel. Internasionale oliepryse het egter onder sterk druk gekom en is verantwoordelik vir twee-derdes van die prysstyging wat op Woensdag 6 Junie in werking tree,” lui die verklaring.

Die AA verduidelik ʼn beduidende onderverhaling is van April oorgedra toe die departement van energie teen maandeinde die brandstofprys teen ʼn sterker rand/dollar-wisselkoers bereken het.

“Die maandeinde het weens die talle publieke vakansiedae vroeër as gewoonlik gesluit, waarna die rand byna 60c teen die Amerikaanse dollar in ʼn kwessie van ʼn dag gedaal het. Dit het beteken ʼn beduidende styging in die brandstofprys was sedert die begin van Mei  ʼn moontlikheid.”

Motoriste kan na beraming ʼn styging van 85c per liter verwag. Diesel sal volgens die skatting sowat 87c per liter duurder wees, en paraffien met 82c per liter verhoog word.

Verlede maand het die prys van 93-oktaan-petrol met 49c per liter gestyg. Die prys van 95-oktaan-petrol het 49c per liter duurder geword, 0,05%-sulfaat-diesel het met 59c per liter gestyg en 0,005%-sulfaat-diesel is met 58c per liter verhoog.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Arno

Dink dit is tyd dat ons ophou om die bollie van internasionale olie prys te glo vir die verhogings. Net nog n manier om geld uit hardwerkende belasting betalers te kry en die arm mense nog verder te verdruk. Ons moet net saamstaan en by een petrol maak begin ingooi. So moet die ander pryse drop om klante te trek. Dit is al. Gee hulle bietjie van hulle eie medisyne. Gaan maak die somme julle sal sien ek is reg. So versprei die woord. Kies BP of Engen of enige ander brand. Maar laat almal net by een ingooi. Ons… Lees meer »

Oom Kalahari

Salaris verhogings eise deur Unies, stakings en cANCcer se verkieings veldtog vir 2019 het ‘n inspuiting nodig. @Arno, ek hoor wat jy se maar sou die meerderheid van mense bv BP (British Petroleum) gebruik as ondersteunings maatskapy en Sasol asook ander vulstasies verloor finansieel, dan gaan hul BP net boikot en brandstof voorsiening daar gaan opdroog. Brandstof raak ‘n manipulasie faktor omdat dit ‘n produk is waarsonder die publiek nie kan oorleef. In Afrika lande gaan dit so en net die welgestelde Staats amptenare en met belasting betalers geld trek voordeel asook die rykes alleen wat dit kan bekostig. Voertuig… Lees meer »

Jef

Dit maak nie saak oor hoe hoog die brandstofpryse styg nie want mense sal altyd hul karre ry al moet mense droog brood eet en water drink en hul kinders honger skool toe stuur.
Kar ry is mos belangriker dan die gesondheid van hulself en hul gesinne.

Cherokee

My kantoor is ± 200 meter vanaf my huis en ek gaan maar voetslaan daarheen. O wel, mens moet oefening kry.

Mandi

Dit raak nou belaglik
Die rykes word net al hoe ryker en die armes en middelklas mense trek die swaarste…
En dan word daar gese die hoe koppe dra die mense se belange op die hart….. Dit is SNERT