Motoriste kan met die aanbreek van die nuwe jaar moontlik ʼn effense verligting by vulstasies te wagte wees wanneer die nuwe brandstofpryse in werking tree.
Die Automobiel-Assosiasie (AA) het Vrydag gesê gebaseer op die middel-van-die-maand, ongeouditeerde brandstofprysdata wat deur die Sentrale Energiefonds uitgereik is, blyk dit dat verbruikers in Januarie effens minder vir brandstof sal betaal.
“Die rand het ʼn bietjie sterker vertoon teen die Amerikaanse dollar sedert die begin van Desember, ondanks politieke onstuimigheid in die aanloop tot die ANC se verkiesingskonferensie,” lui ʼn verklaring van die AA. “Hierdie versterking van die rand is egter in die eerste twee weke teengewerk deur ʼn toename in internasionale petroleumpryse.”
Daar word in dié stadium verwag dat die prys van petrol met ongeveer 10c/l sal daal en die prys van diesel en paraffien rondom 6c/l sal daal.
“Die politieke landskap ná die ANC-verkiesingkonferensie, asook die internasionale ekonomiese sentiment oor die oliemark, sal waarskynlik die belangrikste aanwysers vir die brandstofpryse wees aan die einde van die maand.”
Die AA het gesê tans word daar egter slegs geringe veranderings in brandstofpryse vir Januarie 2018 verwag.
Is ‘dalk’ dalk die in-woord vir 2018? Watter siener het hierdie ‘dalk’ gesien? Kan hy dalk ook meer lig werp op wat more vir SA voorle? Ons kan hom dalk ook in die toekoms meer gebruik vir al die ‘dalke’ wat mag opduik… as hy dalk kans sien, bygese…
ag man , dit is die skelm anc se ou laai , sit die petrol prys op voor die vakansie , melk almal lekker en drop dit dan weer in januarie om almal weer gelukkig te kry , gelukkig vir hulle is almal in die land lekker stupid so min mense kom dit agter , ek gaan altyd op vakansie buite seisoen , so ek betaal nie vir hulle gravy trein nie
Voor vakansie = op met 75c/L….
Na vakansie = af met 10c/L….
Dis sooo voorspelbaar
Lekker manier van geld maak dis al
Los dit maar eerder soos dit is as daar nie n ordentlike verskil kan wees nie!!!