Breek alle apartheid-simbole af, sê Malema

Julius Malema eis dat Louis Botha se standbeeld by die parlement in Kaapstad afgebreek moet word Foto: Raymond.ellis via Wikimedia Commons

Julius Malema eis dat Louis Botha se standbeeld by die parlement in Kaapstad afgebreek moet word Foto: Raymond.ellis via Wikimedia Commons

Julius Malema, leier van die Ekonomiese Vryheidsvegters (EFF), het mense versoek om alle standbeelde, wat herinner aan apartheid, af te breek, het die Sunday Independent berig.

“Ek daag julle uit,” het Malema gesê. “Rewolusie is nie ʼn wettige aktiwiteit nie. Julle moet ophou om te luister na dinge soos, ‘Dit is onwettig’.”

Malema het die vegters van die Wes-Kaap uitgedaag: “Die standbeeld van Louis Botha by die parlement moet neerkom en hoe dit afgebreek word is julle saak. Ek stel nie belang in hoe dit afgebreek word nie… maak ʼn plan met daardie standbeeld.”

Malema het Saterdag dié uitlatings tydens ʼn EFF-byeenkoms vir Menseregtedag in Langa in Kaapstad gemaak. Hy het gesê mense wat apartheid en alles wat dit verteenwoordig verag, het “ʼn plig om hierdie simbole te verwyder”. “Hou op om sulke babas te wees. Julle het apartheid afgebreek, nou kan julle nie versuim om die simbole van apartheid af te breek nie. Dit is jou plig as ʼn rewolusionêr. Neem dit op jouself. Tronk of nie, jy moet in hegtenis geneem word omdat jy Botha afgebreek het.”

Malema het glo gesê hy is glad nie bang om in hegtenis geneem te word vir die woorde wat hy gesê het nie, en hy het bygevoeg hy vrees of respekteer nie “ʼn vrot regering” nie. Hy het bygevoeg die standbeeld van Cecil John Rhodes by die Universiteit van Kaapstad moet ook afgebreek word. “Daar is nie enige bespreking nie. Rhodes moet val. As hulle sê dit is te duur om hom te laat val, moet die massas daardie standbeeld van Rhodes afbreek. Dit sal nie duur wees nie. Hulle kan ons dienste huur. Ons sal dit sommer verniet gaan verwyder.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Elize

Breek af dis reg, maar breek ordentlik af dan gaan “herplant”ons dit in Orania. Maar klim tog net uit die gat van “blame it on apartheid” Die lewe gaan aan, hoekom nog rond ploeter met die verlede! Die verlede hou geen toekoms in nie.

scalla

Die ding se kop raas, weet nie waarvan hy praat nie.

CHRISTA

Gaan Mal-ema die Parlement ook afbreek? Dis ook mos tydens (deur) apartheid gebou? Dis vir my te goed: al hierdie geboue en beelde rattle hulle cage, maar hulle wil aantrek, leef, en lyk soos die Europeers wat hulle so haat! Wat se dit van hulle. Hulle het nie eers respek vir hulle eie kultuur nie. Hulle wil als wat tydens apartheid gebou is afbreek, maar hulle gebruik die dienste wat deur apartheid opgerig is: Eskom, SAL, paaie, skole, mediese dienste, watervoorsiening (al die damme), behuising. Net jammer als val uitmekaar, want hulle kan niks onderhou nie. Vra Mal-ema wie het… Lees meer »

Bets van Aswegen

Wat het arme ou Louis Botha nou met apartheid te make??? Hy het in die Boere -oorlog geveg, lank voor apartheid se dae!! Miskien moet Malema bietjie sy geskiedenis gaan leer!! Neem vir Rhodes Zimbabwe toe, waar hy hoort, maar gee dan al die geld wat die Rhodes beurse vir swart studente laat leer het, ook aan hulle. Malema en ANC sal ALLES in hulle vermoë doen om die Wes-Kaap op te sweep, om dit onregeerbaar te maak!!

Babs

Plant sommer vir Malema voor die Parlementsgebou dan kan die voëltjies op sy kop ook skeit. Miskien sal daar breins groei.