Brics-bank keur lening van R17 miljard aan SA goed

(Grafiek: www.gov.za)

Die Nuwe Ontwikkelingsbank (NDB) het ʼn lening van $1 miljard, sowat R17,3 miljard, aan Suid-Afrika goedgekeur om die stryd teen die Covid-19-pandemie te help finansier.

“Die program is daarop gemik om Suid-Afrika te steun in sy pogings om die verspreiding van Covid-19 te bekamp en die menslike, maatskaplike en ekonomiese verliese wat die uitbreking veroorsaak het, te beheer,” het die tesourie Saterdag gesê.

Die program sal bydra tot die voorsiening van noodsaaklike gesondheidsorghulpbronne en die versterking van die maatskaplike veiligheidsnet in Suid-Afrika. Die tesourie sê voordele sluit in die verbetering van die openbare gesondheid- en noodgesondheidstelsel, asook die fasilitering van sosio-ekonomiese herstel.

Die bank se raad het vantevore die stigting van ʼn noodfasiliteit om lidlande te help, verwelkom. Brasilië, Rusland, Indië, China en Suid-Afrika maak deel van Brics uit. Noodlenings aan lidlande kan gebruik word om uitgawes te finansier wat direk met die stryd teen Covid-19 verband hou, asook om steun aan die regerings te gee om maatreëls in te stel wat tot ekonomiese herstel sal lei.

“Die nasionale tesourie verwelkom die goedkeuring van die lening en werk saam met die NDB aan die finale tegniese en administratiewe vereistes. Die besonderhede sal bekend gemaak word sodra die proses afgehandel is.”

Die bank is op die been gebring om infrastruktuur en ontwikkeling in die lidlande te finansier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
JohanR

Soe Suid Afrika het nou eintlik geld by Brasilië , Rusland, Indie en China geleen, en as SA enige geld in daai bank ingesit het, het hulle nou net hulle eie geld terug geleen, seker teen ‘n wonderlike hoe rente koers? As VBS nog bestaan het kon julle daar geleen het, en toe hy val hoef julle nie terug betaal het nie. Vra maar vir Zuma.

Joos

Ons soek nog baie by hulle. Hoop nie hulle betaal dit terug nie

Jacobus

Wie moet ons bedank – Sjina natuurlik. Hulle moet indien moontlik aan ‘n massale skuldgewete ly. En dan sit ons leiers hulle voet in die wip.

Kokerboom

Die Tesourie se definisie van voordele is so wyd en akademies geskryf jy kan enigiets daarin lees. Dit sal help as toestand van provinsiale hospitale daarmee verbeter kan word!

Fedup

Worse thing ever.