Brink-gesin se ongeluk: Vrou steeds kritiek

Brink en sy vrou Lise.

Brink en sy vrou Lise.

Dr. Danie Brink, uitvoerende direkteur van Solidariteit Helpende Hand, se vrou, Lise, is steeds in ʼn kritieke toestand in die hospitaal, nadat die gesin Vrydagoggend in ʼn tragiese motorongeluk was.

Ernst Vorster, ʼn kollega van Brink, het aan Maroela Media gesê Lise het ernstige kopbeserings opgedoen. “Sy is gister geopereer. Sy het skedelbreuk opgedoen, haar wangbeen is gekraak en haar kopvel het deels losgetrek.” Lise het ook beserings aan haar been opgedoen en haar knie is geopereer.

Brink, sy vrou en vyf kinders, was op pad om by hul familie aan te sluit vir hul Kersvakansie en het beplan om op Theunissen oor te slaap. Brink het buite Theunissen beheer oor die voertuig verloor, waarna dit die pad verlaat en verskeie kere gerol het, voordat dit in die veld langs die pad tot stilstand gekom het. Volgens Vorster het ʼn band vermoedelik gebars of het een van die wiele losgekom.

Twee van Brink se kinders, Rachel (8) en André (13), is in die ongeluk dood. Hul ander seun, Johann (9), het ook kopbeserings en harsingskudding opgedoen. Hy is ook geopereer. Brink en die ander twee kinders is nie ernstig beseer nie.

Vorster en nog twee kollegas het Saterdagoggend na Welkom vertrek om die Brink-gesin by te staan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
wanda

Ai dit is vreeslik…baie sterkte aan almal. Ek kan my nie indink watse groot hartseer lê vir hulle voor.??

Henco

Baie sterkte vir die gesin. Ai dit kan nie maklik wees nie.

DPJ

Mag die vrou en kind gou herstel na die operasie. Mag die Heilige Gees by julle wees en ryklik vertroos met die afsterwe van die twee kinders.

Magda Kruger

Dit is baie hartseer nuus. Mag ons Hemelse Vader die gesin vertroos en versterk in hierdie hartseer tyd. Spoedige beterskap vir almal wat beseer is. Ons dink aan julle in ons gebede – baie sterkte.

marieta de beer

Ek weer ‘n saam julle. Laat die genesing begin in Jesus naam. Amen