Broer vermoor terwyl hy suster (15) wou beskerm

misdaad-polisie-crime-scene-kent-williamson-5

Argieffoto: Kent Williamson

“Dit was een van die ergste tonele wat ons lede in ʼn lang tydperk aangetref het.”

Só beskryf kapt. Lorraine van Emmerik, woordvoerder van die Booysens-polisie in Johannesburg, ʼn voorval die afgelope naweek waartydens ʼn jong man vermoor is toe hy glo sy 15-jarige suster teen verkragters probeer beskerm het.

Van Emmerik het Dinsdag aan Maroela Media gesê die voorval het Sondag omstreeks 01:00 by ʼn huis in Turffontein plaasgevind.

“Twee gewapende verdagtes het toegang tot die huis verkry waar twee jong mans, in hul 20’s, hul ma en jonger suster woon,” het Van Emmerik gesê.

“Die verdagtes het tydens die voorval die 15-jarige meisie verkrag. Haar twee broers wou haar en hul ma beskerm. Een van die broers is toe vermoor en die ander een is met ʼn skerp voorwerp in sy been gesteek voor die verdagtes met twee selfone op die vlug geslaan het.”

Die kinders se ma kon daarin slaag om tydens die voorval uit die huis te ontsnap en het hulp ontbied.

Die polisie ondersoek ʼn saak van moord, verkragting, poging tot moord en gewapende roof. Niemand is nog in verband met die voorval in hegtenis geneem nie.

Die polisie het ʼn beroep op die gemeenskap gedoen om met enige inligting na vore te kom wat die polisie in hul ondersoek kan bystaan. Mense met inligting kan die polisiestasie by 011 433 4282 bel.

Die jong man wat vermoor is se naam mag nie bekend gemaak word nie om die identiteit van sy suster, wat ʼn verkragtingslagoffer is, te beskerm.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

33 Kommentare

jongste oudste gewildste
Vryheid

SA n siek plek vol siek mense wat geen respek het vir lewe nie eers vir hulself nie. Ek sak my kop in skaamte.

Ramapaddapot

Wonder of Ramapaddapot trots op S A is – want hy doen niks omtrent die geweld in die land nie.

Jacques

Baie sterkte aan die familie . Dit wil egter vir my voorkom of n selfoon nou deesdae geruil kan word met n lewe , kan mens die twee waardes regtig vergelyk met mekaar ? Ek twyfel baie sterk . Die nuwe SA is n plek waar normale mense nie wil bly of n bestaan wil maak nie . Die land het baie siek geword ten koste van wie of wat ?

Bekommerd

My bloed kook sommer oor as ek die goed lees. Vir twee fone, regtig?

Guve

Die mooi land van ons is in sy dinges,n lewe is niks werd,moord,korrupsie,dis aan di orde van die dag,en ons geagte President skitter in sy afwesigheid,want n lewe beteken niks,moet ons wat graag nog iets wil beteken ook begin staak of moor of plunder???