Twee broers is in hegtenis geneem in verband met die moord op ʼn 25-jarige man in Dutywa in die Oos-Kaap.
“Die slagoffer en die broers, onderskeidelik 21 en 22 jaar oud, het Vrydagaand begin stry,” het kapt. Jackson Manatha, woordvoerder van die polisie in die Oos-Kaap, gesê. “Die man is omstreeks 20:00 met ʼn skerp voorwerp doodgesteek.”
Manatha sê die slagoffer se naam kan nie bekend gemaak word totdat sy familielede in kennis gestel is nie. Dit is nie duidelik waaroor die mans gestry het nie.
Die mans sal na verwagting binnekort in die Dutywa-landdroshof verskyn op aanklag van moord.