BTW-verhoging: ANC maak seker arm mense betaal vir foute, sê Maimane

Mmusi Maimane, leier van die DA (Foto: ANA)

Mmusi Maimane, leier van die Demokratiese Alliansie, het aan sy lede gesê die verhoging in BTW is die ANC se manier om seker te maak dat arm mense vir hul foute betaal en dat staatsgeld geplunder kan word.

Maimane het meer as ʼn honderd lede van die DA toegespreek, wat Dinsdag na die tesourie opgeruk het om die BTW-verhoging, wat deur die voormalige minister van finansies Malusi Gigaba aangekondig is, teen te staan.

Die BTW-verhoging van 14% na 15% tree volgende maand in werking.

“Ons verwerp die regering se planne om te vergoed vir hul spandabelrigheid en hebsug deur die arm mense selfs nog meer te belas. Ons verwerp die argument dat die enigste manier, om ons uit dié finansiële verknorsing te help, ʼn hoër BTW-koers en hoër brandstofheffing is,” het Maimane gesê.

Volgens hom sal die BTW-verhoging mense teiken wat die grootste deel van hul inkomste aan kos en vervoer spandeer. Hy het gesê die regering het nie alle moontlikhede ondersoek om geld te bespaar nie. “Die antwoord lê daarin om die luukshede uit te sny. Ons moet uitgawes besnoei wat ons nie kan bekostig nie.”

Maimane het gesê die regering is in ʼn posisie om bykomende inkomste te genereer deur sommige staatsbeheerde ondernemings te verkoop en die kabinet te verklein. “Ons het een van die grootste kabinette in die wêreld en ons het byna die grootste hoeveelheid internasionale besendings ter wêreld. Waarom? Want dit is hoe die ANC hul kaders vergoed. Ministers, adjunkministers, ambassadeurs en al die ander poste wat deur hierdie yslike regering geskep is. Dit is alles deel van ʼn buitensporige lojaliteitskema.

“Die waarheid is, ons het die helfte van hulle nie nodig nie. Ons kan begin deur die paar laaste Gupta-ministers af te dank, soos Malusi Gigaba en Bathabile Dlamini. Ons kan ons kabinet verklein tot 15 ministeries en ons kan ons internasionale besendings tot 69 besnoei. Dit alleen sal al R18 miljard bespaar.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Ben

Goed plan…..begin sommer more!

Respek

Nou net verneem dat Ramaposa al met chartered vliegtuig gevlieg het wat aan die Guptas behoort.Interessant.Ek wonder nou of hy ook by die trour van die Guptas by Sun City.was? Ek weet Pandor was want sy was op n foto.op die voorblad van n koerant destyds.miskien moet iemand n slag die fotos van hierdie troue wys dan kan almal sien wie was almal.”gaste”? Dalk Ramaposa ook? Hy het dan so lekker met n Gupta vliegtuig gevlieg? en verlede naweek het hy met sy eerste buitelandse visit ook n vliegtuig gebruik wat vrae laat ontstaan het.Waarom gebruik hy nie SAL nie?… Lees meer »

Johanna Botha

Wel die meeste arm mense hou aan om vir die verkeerde party te stem ja anc …so nou sal hulle asb maar moet help betaal vir hulle zuma se foute .

Yvette Boshoff

Die woord ‘besendings’ in die berig moet seker ‘bestedings’ wees?Baie dankie vir goeie verslagdoening.

Aasvoels

Hulle sal ook nooit leer nie…..