Buchan reageer op sanger se ope brief

Angus Buchan

Angus Buchan (Argieffoto)

Angus Buchan het Dinsdag gereageer op ʼn ope brief deur die sanger Tobi Jooste waarin hy onder meer praat oor die beweerde bedrag geld wat die evangelis maak en waarin hy ook sy opinie oor die “effektiwiteit” van die byeenkomste lig.

Jooste het verlede maand in dié brief wat op Facebook gepubliseer is geskryf “geloof is ʼn leefwyse, en nie iets wat jy van ʼn verhoog af uitbasuin oor 10 000 kW-luidsprekers nie”. Dit was die eerste keer dat Jooste in die openbaar oor die evangelis gepraat het.

Die sanger het veral daarop klem gelê dat Buchan glo ʼn hoë tarief vir byeenkomste vra en munt slaan uit dié massa-byeenkomste, soos die It’s Time-byeenkoms op 22 April wat hy reël.

Buchan se kantoor het Dinsdag in ʼn verklaring aan Maroela Media gesê openbare kommentaar is altyd welkom en die persepsies van die publiek word ook altyd in ag geneem.

“Ons hoop ons sien Tobi by It’s Time op 22 April in Bloemfontein waar hy die teenwoordigheid van God kan ervaar. Jakobus 5:16 sê: ‘Die vurige gebed van ʼn regverdige het groot krag,” lui die verklaring uit Buchan se kantoor.

Jooste se ope brief het gemengde reaksie uitgelok. Die sanger het byvoorbaat erken dié brief gaan hom “in die moeilikheid bring”.

“ʼn Tannie bel my die ander die dag en vra of ek sal kom sing by hul saamtrek, want hulle wou jou bespreek, maar jy tree slegs op wanneer daar soveel duisend plus mense is met ʼn fooi waarmee ek ʼn Mercedes kan koop,” skryf Jooste.

“En toe sien ek jy bring jou eie Bybel uit, my Oom. En ek wonder, onderskat jy ons boere se intelligensie dat ons nie die gewone Bybel kan verstaan nie? Ek, wat self ʼn skrywer is, maak toe die som. As 40 000 mans jou Bybel koop, teen R300 ʼn Bybel… ? Ek lig my hoed vir jou. Jy doen goeie werk. Maar wat gebeur wanneer jy die skare huis toe stuur en jy ABSA toe gaan met die kontant?”

Tobi Jooste (Foto: Facebook)

Jooste het verder ook gese Buchan se byeenkomste is nie noodwendig effektief nie, omdat geloof “ʼn leefwyse” behoort te wees.

“Ek dink jy doen wonderlike werk, maar jy kan nie iemand brood gee vir ʼn naweek, en honger huis toe stuur nie. ʼn Tannie skryf vir my op Facebook ʼn boodskap en sê: “Tobie, my man kom Sondagaand hier aan met ʼn lied in sy hart, maar Maandagaand toe word ek weer aan die hare rondgepluk.

“En ek wonder, my Oom: Dis soos om vir iemand te leer motor bestuur, en dan met ʼn Porsche huis toe te stuur en te sê; sien en kom klaar. Geloof is soos bad, jy moet dit daagliks doen, anders word jy maar weer vuil.”

Die sanger het egter volgehou dat hy nie dié brief oor “suur druiwe” skryf nie, maar bloot net omdat hy “opstaan vir dit waarin hy glo”. “Ek lig steeds my hoed vir jou. As jy een van die 40 000 se harte kon aanraak, was die miljoenrandkamp sekerlik die moeite werd.”

Jooste het ook kritiek vir sy brief gekry. “Wie is jy? Jy soek aandag en roem. As Christen sou jy nie geoordeel het wat oom Angus doen nie, jy sou dit bygewoon het,” het Jeanette Gouws op Facebook geskryf.

“Hoeveel keer sê hy in die brief dat hy nie oordeel nie, maar dis tog wat hy doen,” het Anestha Smit laat hoor.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

284 Kommentare

jongste oudste gewildste
M

Hoeveel mans het ek al gesien opruk na Angus toe, wat daagliks etenstye agter hul bybel sit, maar wat hul vrouens mishandel en drank misbruik. Nee waat Angus raak miskien 1 persoon se hart na so byeenkoms volgens my opinie. Die res gaan net om van hul vrouens ontslae vir ‘n naweek.

willie

Verkeerde manier om reklame te soek Tobie! Ek het nog nooit van jou gehoor nie ,maar sal nou vir die verkeerde rede weet wie is jy!

Theuns

Tobie,dis gevaarlik om n man van God aan te vat…..sê maat net.

Mytiensent

En net daar le die kruks van die probleem waarin die afrikaner hom bevind…daars geen eenheid nie. Hartseer.!!!

Ww

Tobie Tree verniet en sy CD s is ook gratis jy kan, na hom luister maar hy se niks dus nie betekenis vol nie