Buitelanders ruk op na hof waar polisielede verskyn

Foto: Twitter

Sowat 100 Ethiopiese burgers het Maandagoggend na die landdroshof in Johannesburg opgeruk waar sewe polisiebeamptes verskyn wat glo verlede week omkoopgeld aanvaar het te midde van klopjagte in die Johannesburgse middestad.

Die Ethiopiërs het beswaar gemaak teen die aanhouding van meer as 500 buitelanders ná die klopjag verlede Woensdag. Die buitelanders is dié betrokke dag na die Johannesburg-Sentraal-polisiestasie geneem waar hulle inligting sedertdien verwerk word.

Maroela Media het vroeër berig daar word onder meer gekyk of hulle misdaadrekords het en of hulle wettig in die land is. Die nagaan van dié inligting sal egter ʼn geruime tyd duur.

Tadesse Yemane, ʼn leier van die Ethiopiese gemeenskap in Johannesburg, het gesê die polisie skend die groep se naam deur hulle uit te maak as onwettige immigrante en verkopers van onwettige goedere.

“Ons wil ons stemme laat hoor,” het Yemane buite die hof gesê.

Volgens Vusumuzi Sibanda, voorsitter van die African Diaspora Forum, word talle buitelanders sleg behandel, al is hulle wettig in die land. Dié organisasie dring daarop aan dat diegene wat aangehou word, “menslik” behandel word.

Sibanda glo dat die polisie sommige van die buitelanders gedwing het om vals verklarings af te lê waarin hulle aanvoer dat hulle onwettig in die land is.

“Ons is hier om te sien hoe die mense wat in hegtenis geneem is, hanteer gaan word. Die mense wat aangehou word, is toegang tot regsverteenwoordiging geweier. Die families is toegang [na hul geliefdes] geweier en die meeste van dié wat in hegtenis geneem is, is ondervoed,” het Sibanda gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Arno Scheepers

Stuur ALLE buitelanders terug……hulle is die wortel van alle kwaad.

ne

Hoekom is hulle ondervoed? Wie se skuld is dit? Deporteer die onwettiges! Belastingbetalers sorg vir hulle in die tronk en ons is ook al ondervoed!

JohanL

Seker net in SA wat ‘n buitelander sal opruk hof toe en die arrogansie het om te vra vir (verdere) sogenaamde regte. Tot jy nie ‘n SA burger is nie, het jy beperkte regte ou maat. Anders vat jou goed en skoert terug na jou geboorteland waar jou regte skynbaar in die eerste plek vertrap is.

Jan Venter

Buitelanders is gaste in Suid Afrika – van wanneer af dikteer “gaste” die binnelandse beleid? Stuur die lot terug na waar hulle vandaan kom!

Dienkie

Ek stem heelhartig saam, stuur die hele lot terug vanwaar hulle gekom het. Ekskuus my, “ondervoed” rerig? Buitelanders is nie veronderstel om sogenaamde “regte” te wil afdwing nie.