Burgemeester, agt ander vas vir bedrog

Thembi Sarah Masilela, uitvoerende burgemeester van die Nkangala-distriksmunisipaliteit, (Foto: Verskaf)

Die uitvoerende burgemeester van die Nkangala-distriksmunisipaliteit in Mpumalanga en agt ander, onder wie munisipale amptenare, het Maandag in die Middelburg-landdroshof verskyn in verband met beweerde bedrog by dié munisipaliteit.

Daar word beweer dat Thembi Sarah Masilela (67) met haar medebeskuldigdes in September 2019 saamgesweer het om te verseker dat bedrieglike dokumente verwerk word vir betalings vir dienste wat nooit gelewer is nie.

Die munisipaliteit is in die proses uit R215 730 bedrieg.

Kapt. Dineo Lucy Sekgotodi, woordvoerder van die Valke, sê Masilela en haar medebeskuldigdes is Maandag deur die Valke se eenheid wat ernstige handelsmisdaad ondersoek in hegtenis geneem.

Die medebeskuldigdes is geïdentifiseer as Gigimani Swartboy Sindane, sekretaris van die tradisionele raad van Ndzundaza Mabhoko, Tebogo Nkamide Matiwane, bestuurder van maatskaplike ontwikkeling by die Nkangala-distriksmunisipaliteit, Thembi Ndlovu, koördineerder van maatskaplike dienste sowel as Given Sipho Jele en sy onderneming Somziloyi Businees Enterprise, Simon Prince Musiza en sy onderneming Zenzazona Pty Ltd, Vincent Jabu Sibiya en sy onderneming Megaworks Trading Enterprise, Elvis Sifiso Ntuli en sy onderneming Ngibongaimpilo Pty Ltd en Thabo Wiseman Ntuli en sy onderneming Ngezabanqobi Supply Trading and Enterprises.

Die groep staan tereg op aanklag van diefstal, vervalsing en die oortreding van die Wet op Bestuur van Openbare Finansies.

Al nege verdagtes is borgtog van R10 000 toegestaan en moet weer op 10 September in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

34 Kommentare

jongste oudste gewildste
Catantho

G’n wonder die ANC moet nou nuwe planne beraam om geld in te kry nie.

Nozi

Sy lyk nie soos ‘n burgermeester vir my nie. Huhhhh??

Blikkies

Sy lyk nog heeltemal deur die slaap……

Misky

Daai gesig spreek boekdele………

Hardekwas

Hoe díe persoon n burgemeester kon word gaan die verstand te bowe.