Burgemeester dalk aangekla oor uitsprake teenoor wit mense

Mzwandile Masina by ʼn herdenkingsdiens vir die struggle-veteraan Chris Hani in Boksburg (10 April 2017). Skermskoot: eNCA

Mzwandile Masina, Ekurhuleni se uitvoerende burgemeester, het Maandag gesê die neiging van wit Suid-Afrikaners om swart Suid-Afrikaners “die middelvinger te gee omdat hulle ’n nuutgevonde selfvertroue gevind het”, moet tot ’n einde kom.

Masina het dié omstrede uitsprake in ʼn toespraak by ʼn herdenkingsdiens vir die struggle-veteraan Chris Hani in Boksburg gedoen. Masina het onder meer gesê daar sal nie toegelaat word dat “ʼn paar individue” verhoed dat Suid-Afrika ʼn nie-rassige en demokratiese samelewing bou nie.

“Ons gaan nie van ons planne afsien om ʼn nie-rassige, nie-seksistiese, demokratiese en voorspoedige Suid-Afrika te bou as gevolg van ʼn paar individue en hulle vriende van Save SA nie. Ek weet nie, waarvan wil hulle Suid-Afrika red? Pres. Jacob Zuma is nie deur die rade en uitvoerende hoofde van maatskappye aangestel nie. Hy is deur gewone landsburgers verkies en daarom sal ons ons organisasie verdedig.”

Masina het verder gesê wit mense moet verstaan die kwessie van nasiebou en maatskaplike samehorigheid hang van almal af. “Ons vra mooi, julle moet ophou om ons land te verdeel, want dié wat in 1994 by julle gestaan het, sal nie oor vyf jaar hier wees nie. Indien julle so voortgaan, kan dinge baie rof raak. Ons is baie. Dit is nie ʼn dreigement nie. Ons is baie en dit kan baie, baie rof raak.”

Masina se woorde is telkemale deur luide applous van die gehoor begroet.

Ghaleb Cachalia, die DA se leier in Ekurhuleni, het Dinsdag in ʼn verklaring gesê die party veroordeel Masina se uitsprake ten sterkste en het die saak na die Ekurhuleni- etiek- en integriteitskomitee verwys. “Masina se dreigement is ʼn oortreding van die wet en die Grondwet, wat die reg tot vreedsame protes beskerm,” het Cachalia gesê.

“Hierdie is die praatjies van ʼn militêre leier, nie ʼn demokratiese burgemeester nie. Sulke uitsprake het hoegenaamd geen plek in ons grondwetlike demokrasie nie. Masina kan duidelik nie sien hoe die teenstand teen Jacob Zuma daagliks op grondvlak opbou nie.”

Cachalia het gesê Masina het sy posisie as Ekurhuleni-burgemeester misbruik om die “oorlogspraatjies” te maak en daarom kan sy optrede nie ongestraf gelaat word nie. Hy het gesê die party oorweeg ook om strafregtelike aanklagte teen Masina aanhangig te maak vir aanhitsing tot geweld en intimidasie.

“Dit is duidelik dat Jacob Zuma vir Mzwandile Masina na Ekurhuleni gestuur het om sy werk daar te doen. Masina se verdediging van Zuma is net nog ʼn voorbeeld van hoe die ANC enigiets moontlik sal doen om die onverdedigbare te verdedig.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

59 Kommentare

jongste oudste gewildste
Albatros

Dalk?

Nini van Zyl

Neem die geagte burgemeester saam sodat hy in die toekoms ingeligte uitsprake kan maak oor n saak wat al die inwoners v ons land raak.

Johan

As jy sulke uitsprake wil maak moet jy maar die gevolge daarvan dra……..maar soos met die vorige sport minister se spreker gaan daar niks van kom nie….hy hits geweld aan….ons kan die wereld se selfvertroue hê…..dit is ons land ook….ek gaan nie soos n uitlander in my eie land voel nie…..so ja lees tussen die lyne….masina

Haatspraak

Haatspraak, HAATSPRAAK dis wat dit is. Miskien moet hy in sy blertus mertus in vlieg.

zoom zoom

Dreig die man ons of is dit sy manier vir ‘n grappie.