Buro vir Standaarde dalk binnekort bankrot

(Foto: sabs.co.za)

Die VF Plus waarsku die “eens trotse” Suid-Afrikaanse Buro vir Standaarde (SABS) kan binne twee jaar weens ʼn gebrek aan geld bankrot wees.

Die SABS het vandag in die parlement verslag gedoen aan die portefeuljekomitee vir handel en nywerheid oor sy omkeerstrategie.

“Dit is duidelik dat swak bestuur, korrupsie en ʼn uitvloei van bestuurs- en tegniese kundigheid die instelling lamlê terwyl toetslaboratoriums disfunksioneel is vanweë swak instandhouding. Die salarisrekening van die SABS beloop 70% van sy administratiewe en operasionele begroting. Die instelling beskik ook nie oor die nodige bestuurskundigheid en tegnici nie,” het Jaco Mulder, die VF Plus se woordvoerder oor handel en nywerheid, gesê.

Hy sê die instelling moet nou teen koste eksterne konsultante gebruik om die situasie te probeer regruk – iets wat die party meen in die huidige ekonomiese klimaat onwaarskynlik gaan slaag.

Die SABS is sy International Automotive Task Force- (IATF-)akkreditasie kwyt weens die nievoldoening aan internasionale standaarde. Groot kliënte soos Toyota Suid-Afrika doen hul standaardtoetsing nou by ander instellings, het die party gesê.

“Maatskappye wat te midde van die heersende ekonomiese klimaat in Suid-Afrika onder finansiële druk verkeer, gaan ook nie verdere uitgawes aan om aansoek te doen om ʼn standaard nie, veral omdat die SABS te lank neem om so ʼn diens te lewer.”

Die VF Plus voorspel dat die nasionale reguleerder vir verpligte spesifikasies (NRCS), wat tans óók onderworpe is aan ʼn omkeerstrategie, én ander staatsinstellings binnekort in die voetspore van die SABS gaan volg.

Die party sê hy het aanbeveel dat die SABS herstruktureer in pas met die uitdagende ekonomiese omstandighede van die land en die nodige kundigheid op meriete aangestel word om die omkeerstrategie te bestuur, pleks daarvan om rassetransformasie die absolute hoofdoelwit te maak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

51 Kommentare

CabyTheron ·

Dit verbaas my nie. Patetiese spul. Alles waaraan hulle raak misluk. Hoe gouer alles ten gronde gaan, hoe beter. Moeg gewonder wanneer kom hierdie korrupte regering aan ‘n einde. Kan nie wag nie!

Andre Coetzee ·

Die SABS was voor 94 ‘n trotse en standaard gederewe organisasie.Trots Suid afrikaans.Nou maar net nog ‘n verwoeste en sprekende organisasie van wat gebeur as onbevoegdes in beheer staan en as die fondse geroof word.Is daar nog plek op die lang lys van organisasies wat deur die kaders verwoes is ?

JoeV ·

Net so, mens het met trots op alle spesifikasies aangedui aan watter SABS standaard die materiaal en produkte voldoen. Dit is nou al so dat personeel moet kyk dat daar nie iewers dalk nog ‘n verwysing na dit is nie veral vir internasionale markte, wat dit glad nie wil sien nie.

Peper ·

hahahaha die ouens wat die standaarde handhaaf kan self nie handhaaf nie… Dis vrek snaaks en weereens net bewys dat die mense belangriker is as die instansie…

Netso ·

Jacques, baie van ons voel so. Ons weet almal wat in Animal Farm gebeur het.

Jan Alleman ·

Ek verstaan Zuma het na bewering die Chinese toegelaat om die plek af te takel. Wil nie toets kapasiteit hê vir ingevoerde produkte met lae veiligheid standaarde nie. Nou voor jy wat die lees dit afmaak as samesweringteorie, dink vir ‘n oomblik. Dalk het jy die kapasiteit as joernalis om vrae aan oud werkers te vra? Selfs huidige werkers?

Bekommerd ·

My enigste vraag,is daar nog enige iets oor wat staande of in werking is in Suid Afrika.?

Theresa ·

Alles waarop hulle, hulle hande lê, is bankrot. Wys jou maar net dat die onbevoegdheid hoogty vier. Mag die Here ons en ons land red!!

George in Bloem ·

Gaap……dankie ANC. Nog ‘n “transformasie” projek suksesvol afgehandel binnekort. Voortreflike werk comrades. Julle moet seker vreeslik trots op julle kaders wees?

EO ·

Ja Therasa, ek stem 100% saam met jou. Ons hele land is al bankrot oor alles waarop hulle hulle hande lê. Waar is ons goeie OU Suid Afrika. Ek raak skoon paniekerig as ek al hierdie dinge lees. Waar is ons land oppad heen? “Hulle” word oral aangestel en ingedruk, maar het geen opleiding gehad of enige ondervinding in dit wat hulle moet doen nie. Al wat hulle doen, is lekker lag aan die einde van die maand as hulle daai lekker vet salaris kry wat hulle weet hulle verdien nie.

Gemaskerde Sopbeen ·

Goeiste!! Hoe oud is jy EO? Waar is ons OU Suid Afrika? Weggegee in ruil vir ‘n pot lensiesop……….en nou kaas en kerm die nasie dat dit klap. Waar is “ons” land oppad heen? Dis nie “ons” land meer nie……..Baie jare terug het ek ‘n onderhoud in Rhodesië gevoer waar ‘n inwoner die volgende gesê het: “Ek het een oggend opgestaan en was ‘n vreemdeling in my eie land. Ek het ge-immigreer sonder om ‘n voet te versit!!” Daardie tyd kon ek dit nie begryp nie……..nou beleef ek dit!!

Urk Uranium - Twee Drie Twee ·

Moenie worry nie . . . Suid-Afrikaners is gewoond aan China se standaarde . .as jy nie weet daar is iets beters nie dan gaan jy nie kerm en neul nie.

Db ·

Wat is nie bankrot in hierdie land nie? Hierdie wesens ken van lemoen uitsuig tot daar niks oor is nie

Jacques ·

Lol. Kan maar net lag en kan nie se wat ek graag wil se nie. Weet net een ding dat SA is belangrik vir n sekere land om Amerika beter te kan bykom.

Wetenskaplike Wildevark ·

En die CSIR?
Kan Suid-Afrika enigsins nog basiese navorsing bekostig inaggenome die astronomiese bedrae wat die groot wêreldspelers aan navorsing en implementering spandeer? En hulle beskik oor enorme hoogs opgeleide en relevant ervare menslike hulpbronne. Ons moet ophou onsself te belieg. Ons is net ‘n 3de wêreldland.

André-Chris ·

Goeie genade, wat nog? Is daar dan nou niks wat meer heel is nie, en Cyril Ramaphosa stap oral daar waar hy die gebreekte entiteite besoek soos ‘n oorwinnaar rond.

André-Chris ·

Bring die Springbokke en hul bus terug sodat hulle die plekke wat hulle in die land oorgeslaan het ook besoek!

André-Chris ·

Bring die Springbokke en hul bus terug sodat hulle die plekke wat hulle in die land oorgeslaan het ook besoek!

Johan ·

Dit is vir my reg. SA het nie juis meer enige standaarde nie so hierdie is heel gepas. Wie wil nou juis ‘n seel op swak standaarde plaas.

AndrewL ·

So, die SABS is oor hernoem om Engels te wees. Die B staan lankal nie meer vir Standaarde nie.

Thinus Erasmus ·

Al wat die instansie nog kan “red” is om sy naam te verander: South African Broadbased Struggle!

Pampoen ·

Daar waar ons op pad heen is, sal mens in elk geval geen nut he vir ‘n SABS nie.

Gewees ·

SUID- AFRIKA is maar net nog een van die bankrotlande in Afrika, as staatsinstansies nog nie bankrot is nie sal dit binnekort bankrot wees!

Moeg ·

Soos hulle in Engels sal sê, “names have been withheld to protect the innocent involved”, en daarom die skuilnaam.
Ons is verplig om met die SABS te werk, omdat dit ons reuse bedrae sal kos om ons produk oorsee te laat sertifiseer. En juis hierin lê die probleem vir die SA nywerhede.
Kliënte soek die SABS merk, want hulle glo dan is die produk nog van hoë hehalte. Die probleme wat ons as vervaardiger ervaar net om daai merk op ‘n produk te hou, is oneindig. Ek dink soms ons eie interne standaarde is hoër as die van SABS, aangesien ons aan verskeie internasionale standaarde moet voldoen, wat SABS s’n soos ‘n vulletjie sonder ouers laat lyk.

Miracle ·

Daar is buite (oorsee) instansies wat die verpligte toetse/analieses kan doen en goedkoper

GERHARD ·

Ek weet nie meer hoe om positief te wees oor enige instansie in die Land nie. Niks werk meer nie en alles word opgevreet en vernietig en vereger by die dag. Dit gaan Baie Baie Baie lank vat om ooit reg te kom, as dit ooit sal gebeur, maar verseker nie in my leeftyd nie. Tot Siens my pragtige Land.

Ek hoor Queen in die agtergrond... ·

“Another one bites the dust.
Another one gone, and another one gone.
And another one bites the dust”

HPV ·

Nog een van die ANC se “reuse suksesse” op die groeiende lys van reddingsboeie waarvoor die krimpende belastingbetaler moet pa staan. Wie of wat is volgende?Mens begin net dink dit is die laaste bankrot instansie net om te hoor hier is nog een!
Viva ANC!

O Wee ·

Die dood van die SABS was ‘n lang en uitgerekte lyding. ‘n Eens trotse, gerekende instansie is in 20 jaar se tyd deur swak bestuur en transformasie vernietig. My hart huil want ek is ‘n oud-werknemer.

Anneli ·

My vraag oor die hele SABS geding is, Hoe kan ‘n maatskappy 70% van sy begroting aan salarise spandeer? Het niemand op hulle direksie enige graad in besigheids bestuur nie? Hoe kan ons SOE’s in ons land so tot in die grond bestuur word sonder dat enige iemand agter kom nie? En hoekom is dit nooit op getel met hulle jaarlikse verslae aan die parlament? Vrae wat net nooit geantwoord gaan word nie ……

HPV ·

Anneli, dit is wanneer oortollige, soms ongekwalifiseerde, werknemers sommer net in instansies soos SAL, SABC, ESKOM, ens opgeneem word om slegs salarisse te ontvang. Dan word hierdie salarisse buite verhouding verhoog, moet nie van bonusse en prestasie bonusse vergeet nie, tot die plek tot hul verbasing ondergaan. Dan volg een na die ander reddingsboeie, sonder om die probleem aan te spreek, tot die hele ekonomie in duie stort.
Skielik sien selfs hulle daar is nie meer geld nie, dan word internasionaal vir beleggers gesoek om geld in die bodemlose put te stort.

Penellope Jones ·

Hulle OOK?
SA is regtig nou op die randjie van ‘n baie diep en donker afgrond.
Die ANC het hierdie land gevat en doodeenvoudig opgemors in alle moontlike vorme.

HPV ·

Anneli, dit is wanneer oortollige, soms ongekwalifiseerde, werknemers sommer net in instansies soos SAL, SABC, ESKOM, ens opgeneem word om slegs salarisse te ontvang. Dan word hierdie salarisse buite verhouding verhoog, moet nie van bonusse en prestasie bonusse vergeet nie, tot die plek tot hul verbasing ondergaan. Dan volg een na die ander reddingsboeie, sonder om die probleem aan te spreek, tot die hele ekonomie in duie stort.
Skielik sien selfs hulle daar is nie meer geld nie, dan word internasionaal vir beleggers gesoek om geld in die bodemlose put te stort.

Emma ·

Wragtig nou nie meer snaaks as hulle ook val nie tipies S.A n land wat nie n sukses verhaal het nie. Skande!!

Trojaanse Donkie ·

SABS het seker nog nie ‘n standard vir bedrog en bankrotskap opgestel nie. Die Spesifikasie nommer sal seker met BEE begin, of dalk JZ miskien CR, wonder maar net?

johan II ·

Ek werk by n onafhanklike toets Lab, en ons standaard is baie hoog. SABS kan maar gaan, ons is lankal reg vir dit.

Gees ·

70% aan salarisse is nie uitermate vir konsultante en ander arbeidsgedrewe besighede nie – daar’s nie baie masjiene of materiaal betrokke nie. SABS is, volgens die standaarde-wet van 2008, net die bibliotekaris, fasiliteerder, en promotor van standaarde, nie die regter wat kyk na die standaarde se toepassing nie. Dit was ‘n rolverandering in lyn met internasionale neigings, so toetswerk en merkskemas behoort eintlik nie die SABS se funksie te wees nie. Dit was voorheen die SABS se funksie in SA, want daar was nie privaatindustrie wat kon nie. Nou is daar baie wat kan, so die SABS se model moes aanpas, en het nie. Dit is die onderliggende rede, maar omdat die ANC polities bestuur en nie volgens besigheids-beginsels nie is, IMO, hoekom die SABS nou met geld-moeilikheid sit.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.