Bus met 49 passasiers beroof

Argieffoto

Die polisie in Limpopo is op soek na vier verdagtes wat ʼn busbestuurder geskiet het en die passasiers van die bus van hul selfone, skoene en geld beroof het. Die bus was van Johannesburg na Moria buite Polokwane op pad.

Brig. Motlafela Mojapelo, woordvoerder van die polisie het gesê die voorval het Donderdag omstreeks 22:30 plaasgevind. “ʼn Phola-bus met 49 passasiers het op die N1-noord gery. Hul het net ná die Mantsole-brug stilgehou omdat van die passasiers dringend badkamer toe moes gaan,” het Mojapelo gesê.

Vier gewapende mans het hul oorval en die bestuurder van die bus in die been geskiet. “Hul het hom forseer om verder te ry en die Bela-Bela afrit te neem,” het Mojapelo verduidelik.

Hul het toe opdrag gegee dat die bus gestop moet word en al die passasiers begin beroof. Een passasier is in die arm gesteek met ʼn skerp voorwerp.

Die verdagtes het in ʼn wit bakkie gespring en weggejaag. Die beseerde bestuurder en passasier is na ʼn nabygeleë hospitaal vervoer.

Die polisie het enigiemand met inligting gevra om hul naaste polisiestasie te kontak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
GES

Wilder as die wilde-weste?? Waar gaan ons land heen?

Stoffel

Ek dit al baie kere gese en ek gaan dit weer se, jy kan NERENS meer stop langs n pad nie, dis 9/10 keer n berowing

Speurder

‘Toevallig’ dat hul geweet het dat die bus gaan stop met ‘van die passasiers wat dringend badkamer toe moes gaan’? Nonsens!! Daardie ‘passasiers’ is deel van die bende . . .

Johan. H.

Vertrou niemand meer nie behalwe jou naaste eiesoort, Dis deur en deur bewys, Maar ja publiek stuur dadelik , gou -gou inligting na saps, alhoewel daaie lot saps in die vrystaat gese het die polisie moenie saamwerk met burgerlikes!!! Ek dink hulle sou bitter min sake oplos as dit nie vir die publiek was nie, Of hulle wil dalk net sit en nie werk nie??

marous

Die land is nou totaal in sy peetjie in …vir selfone en skoene?