ʼn Bus het ‘n sesjarige seun Woensdagoggend op pad skool toe doodgery.
Volgens Garrith Jamieson, operasionele direkteur van Rescue Care, het die voorval omstreeks 08:00 in Anettweg in Reservoir Hill in Durban plaasgevind.
“Die seun het vermoedelik gehardloop om die bus te haal, toe hy glo gestruikel en die bus hom getref het,” het Jamieson gesê.
Die kind het verskeie kritieke beserings opgedoen en was reeds dood toe paramedici by die toneel opdaag.
Die polisie was op die toneel en ondersoek die voorval.
Hierdie storie tesame met die seun wat op die N14 doodgery is is bitter erg. Dis vir my hartseer dat Helen Zille se tweet en 2 kinderagtige volwassenes se optrede in ‘n Spur meer aandag geniet as onskuldige kinders se dood wat verhoed kom word.
Aai dat is nou hartseer. Sterkte aan die familie.