Busbestuurder geskors oor gebede

Foto: http://myciti.org.za/

Foto: http://myciti.org.za/

ʼn Busbestuurder van Kaapstad wat sy passasiers in gebed gelei het “om hul reis te seën”, is geskors.

Die Stad Kaapstad het gesê hulle het van die probleem bewus geraak nadat passasiers op sosiale media daaroor gekla het. Die bestuurder se werkgewer het hom gewaarsku om die praktyk te staak.

Die busmaatskappy TBRT, ʼn MyCiTi voertuigbedryfsmaatskappy, het gesê hulle het die bestuurder gevra om nie vir sy passasiers te bid nie, aangesien daar passasiers met gemengde geloofsoortuigings op die bus is. Volgens die Stad Kaapstad het die bestuurder egter voortgegaan met sy gebede.

Die bestuurder het Dinsdag ʼn geskrewe waarskuwing ontvang, maar het ook hierdie waarskuwing geïgnoreer, wat daartoe gelei het dat hy Donderdag geskors is. Die bestuurder, wie se geloof nie genoem is nie, bedryf roetes van en na Atlantis.

Brett Herron, burgemeesterskomiteelid vir vervoer in Kaapstad, het gesê dit is belangrik dat daar in ag geneem word dat die inwoners van Kaapstad en die besoekers aan die stad almal verskillende geloofsoortuigings het en sommige glad nie gelowig is nie. “Ek doen daarom ʼn beroep vir verdraagsaamheid en respek vir mekaar en ons reg om te kies watter geloof ons wil beoefen en wanneer en hoe ons dit doen,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

61 Kommentare

jongste oudste gewildste
Charlotte Barnard

Hier is ‘n voorbeeld van ‘n Daniel in ons leeftyd. God sal hom eer dat hy opgestaan het vir waarin hy glo.

Joyce

Dit is belaglik!!!!!!Ek kan dit nie GLO dat n mens so is nie!!!!

tracey

Miskien moet die mense met dieselfde geloofsoortuiging as die bus bestuurder, hierdie busmaatskappy en vervoerbedryfsmaatskappy boikot en glad nie meer van hul diens gebruik maak nie

Desiree

Vader vergewe hulle want hulle weet nie wat hulle doen nie. Ek eer U meneer en jou kroon sal jy van Jesus ontvang. Dan wonder ons nog hoekom hier ‘n GROOT droogte is.

Christo

Joyce dat n mens hoe is nie? Hul sê nie watter geloofs oortuiging die bus bestuurder is nie, wel eending sê as hy n Christen is al die duime op vir hom. Vir Kaapstad raad wil ek sê julle moenie kla as dinge begin sleg gaan nie, begin julle bybel te lees, daar sal n tyd kom dat mense gaan pleit berge val op ons.