Busbestuurders, passasiers as gyselaars aangehou  

Die polisie het onder meer beslaggelê op vier gewere, vyf handwapens en lewendige ammunisie. (Foto: Gauteng-verkeerspolisie)

Busbestuurders en passasiers in twee luukse busse is Woensdag deur 14 gewapende mans in Orlando in Soweto as gyselaars aangehou.

Die verdagtes, wat sedertdien in hegtenis geneem is, het ’n gesamentlike losprys van R10 000 vir die vrylating van die busse en insittendes geëis, terwyl vuurwapens op die busbestuurders en passasiers gerig is.

Sello Maremane, woordvoerder van die verkeerspolisie in Gauteng, sê nege van die verdagtes is glo lede van ʼn plaaslike taxivereniging, wat die misdaad glo met behulp van hul veiligheidspersoneel uitgevoer het.

“Die verdagtes is tans by die Orlando-polisiestasie in aanhouding en sal na verwagting van gewapende roof, die onwettige besit en rig van vuurwapens, asook dat die feit dat hulle hul as verkeersbeampte voorgedoen het, aangekla word.”

Dit is nie in hierdie stadium duidelik presies hoe die gebeure verloop het nie.

Volgens Maremane het die polisie beslag gelê op vier gewere, vyf handwapens, ammunisie en twee motors wat in die uitvoer van die misdaad gebruik is.

“Onwettige vuurwapens is die grootste bydraende faktor in ernstige en gewelddadige misdade.”

Dít, sê Maremane, is iets wat die verkeerspolisie onder meer met gereelde padblokkades probeer hokslaan.

Hy sê voorts dat die verkeerspolisie beslissend teen enige gedrag wat die orde en stabiliteit van die taxibedryf bedreig, sal optree, en dat enigeen wat vervoeroperateurs terroriseer of die pligte van verkeersbeamptes naboots, swaar gestraf sal word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

19 Kommentare

jongste oudste gewildste
hondbyt

Ernstige skietgoed daai, Duitse G3 en Amerikaanse M4…

Swerwer

Oulik, Pragtig. Wys jou net, die ANC doen nou alles in hul vermoë om die land onbeheerbaar te maak omdat hul misluk het.

Diline

Wonder net waar hulle aan DIE wapens kom? Taxi’s is in beheer van die land, hulle gaan weer wegkom met ‘n klap op die hand. Daar moet een of ander organisasie wees wat al hierdie onwettige vuurwapens aan die kriminele verskaf.

Nie Verbaas

Cele, wat het jy vir jouself te sê oor misdaad wat heeltemal buite beheer is? Maar jy stem seker nog saam met ANC beleid?

Misky

Ons kan seker aanneem dat daar heelwat toeriste was in daardie luukse busse in Soweto. Wonderlik, hulle gaan nou wyd versprei hoe dit in SA gaan en dis die laaste sien van hulle en hulle geldjies. Met trots geborg deur die ANC!!!!!