Busrooftog: Slagoffers was buitelandse leerders

Argieffoto: Kent Williamson

Die leerders op die skoolbus wat Maandagmiddag in Mamelodi in Pretoria deur ʼn onbekende aantal aanvallers geteiken, was buitelandse leerders en nié plaaslike leerders soos die polisie aanvanklik gesê het nie.

Die polisie het aanvanklik gesê dat die slagoffers leerders van onderskeidelik die Brooklyn- en Curro-private skole is, maar Dinsdag het Isaac Mahamba, woordvoerder van die Tshwane-metropolisie, aan Maroela Media bevestig dat nuwe inligting daarop dui dat dit nié die geval is nie.

“Ons het aanvanklik gedink dat dit leerders van die Curro-private skool was. Dit het egter later aan die lig gekom dat dit nie die geval is nie. Dit was internasionale studente,” het hy verduidelik. Mahamba kon nie bevestig of die slagoffers skoliere of universiteitstudente is of waar hulle vandaan kom nie.

Die bestuur van Curro het ook ʼn verklaring uitgereik om enige verwarring uit die weg te ruim. “Geen Curro-leerders of personeellede was by die voorval betrokke nie. Die veiligheid en sekuriteit van ons leerders en personeel bly ons hoofprioriteit,” lui die verklaring.

Maroela Media het vroeër berig ’n onbekende aantal verdagtes het Maandagmiddag die skoolbus vol leerders in die Lusaka-uitbreiding genader. Die verdagtes het ’n wapen op die insittendes gerig en aangedring op van die leerders se selfone.

Die aanvallers het een van die insittendes tydens die voorval raakgeskiet en nog een het ander beserings opgedoen. Albei beseerdes sterk tans aan in ’n private hospitaal in Brooklyn en is in ’n stabiele toestand.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
Johan

Dit is hierdie soort van ding wat sak maak dat niemand Suid-Afrika as ‘n toeris sal wil besoek nie. Ons is vinnig oppad om ‘n “no go country” te word….

Frm

Hoekom is die sapd so vaag.? Ek wonder maar net.

Jacques

Dit klink so as of dit aanvaarbaar is dat dit buitelanders is , solank dit net nie ons kinders is nie , dan is dit OK . Dit maak dit soveel erger , want die buitelanders sal SA heeltemal vermy en glad nie bele in n land waar hulle kinders nie veilig is nie . Hoe dit ookal is , dit bly skokkend aan te val . Dit is niks minder as terorisme nie . Net n vraag – Is daar oorlog verklaar in SA ?

marous

Dit moet oorsee uitgeskreeu word , sodat die buitwereld kan sien wat ‘n misdaad hool die land is . Die geskok en teleurgesteld regering het geen begeerte om dit onder bedwang te bring nie .

KrokodilBotha

Sjoe ja ons regering se dan vir die buiteland alles is onder beheer, sulke gevalle bestaan glad nie. Moet fake nuus dan seker wees.