Buurman skiet glo ma en seun

Argieffoto

Argieffoto

ʼn Ma en haar seun is Vrydagaand tydens ʼn onderonsie in Olivedale, Johannesburg geskiet.

“ʼn Paramedikus van ER24, wat nie aan diens was nie, het omstreeks 20:30 reageer op ʼn toneel by ʼn woonkompleks naby Pritchardweg in Olivedale nadat hy gehoor het ambulanse in die omgewing word oor die kommunikasiekanaal ontbied,” het Werner Vermaak, woordvoerder van ER24, gesê.

“ʼn 18-jarige seun is in die gesig geskiet en sy ma is in haar hand geskiet. Hulle was albei in ʼn ernstige toestand,” het Vermaak gesê. “ER24 se ambulans en nog ʼn privaat diens het by die toneel opgedaag om die persone te behandel. Die polisie en privaat veiligheidsmaatskappye het ook by die toneel opgedaag.”

Die ma het verduidelik ʼn buurman het hulle tydens ʼn onderonsie geskiet. Die polisie stel ondersoek in na die presiese omstandighede.

Die 42-jarige vrou en haar seun is na ʼn hospitaal in Fourways geneem vir verdere behandeling.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Panda Pooh ·

Ons moet leer om na mekaar te luister dan hoef daar nie misverstaande te wees nie…Ai dis seer….

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.