Buurt- en plaaswagte: Cele weier patrollies

Bheki Cele. Foto: Kopano Tlape/GCIS

Bheki Cele, minister van polisie, het Donderdag gesê hy is nie oortuig daarvan dat buurt- en plaaswagte moet patrolleer ten tyde die landwye afsondering nie. Dit volg nadat talle buurtwagkomitees en lede van die publiek Cele versoek het om die funksionering van buurtwagte en ander veiligheidstrukture te heroorweeg weens misdrywe, soos inbrake by skole, wat veral in dié tyd toeneem.

Daar is tans ʼn verbod op die patrollering van buurtwagte en ander veiligheidstrukture tydens die tyd van algehele afsondering.

Cele sê die groot rede waarom hy nie sulke patrollies wil toelaat nie is omdat buurt- en plaaswagte nie aan iemand verantwoordbaar is wanneer hulle wagte dalk ʼn fout begaan nie. Hy meen daar kan wel teen polisie opgetree word wanneer ʼn polisielid oortree.

Cele sê soldate en lede van die polisie en metropolisie se agtergrond is deeglik nagegaan en hulle is gekeur om gemeenskappe te kan beskerm. “Ek kan nie dieselfde oor buurtwagte sê nie. Ons het nie hul wagte se agtergrondinligting om te weet wie hulle is en waar hulle vandaan kom nie.” sê Cele.

Cele meen ook buurtwagte en ander veiligheidstrukture doen meestal goeie werk, maar daar kom soms ʼn mate van politiek in hul strukture voor.

“Ek het nie ʼn probleem om die saak verder te bespreek nie, maar daar is duidelike tekortkominge wat tans kop uitsteek. Ek is ook gereed om met verskeie buurtwagte en ander veiligheidstrukture saam te werk,” sê Cele.

Ian Cameron, AfriForum se hoof van gemeenskapsveiligheid, het sy misnoeë oor Cele se besluit om die patrollering te weier, uitgespreek. “Cele is besig om mense blatant aan bloeddorstige geweld en ander misdaad bloot te stel,” het Cameron gesê.

Cameron sê die bejaarde slagoffer wat die afgelope week in haar huis op ʼn kleinhoewe wreed aangeval is, kon voorkom gewees het indien’n plaaswag die gebied gepatrolleer het.

Maroela Media het vroeër berig die burgerregteorganisasie AfriForum het ʼn brief aan Cele gerig en ʼn aanlyn petisie van stapel gestuur in ’n poging om buurtwagte en ander veiligheidstrukture toe te laat om tydens die afsonderingstydperk aktief te funksioneer.

In die skrywe beklemtoon AfriForum die belangrike en noodsaaklike rol wat buurt-, plaas- en hoewewagte, asook soortgelyke veiligheidstrukture in hul onderskeie gemeenskappe verrig. Die skrywe wys ook op verskeie wyses waarop die minister hierdie strukture moontlik binne die raamwerk van die wet kan benut.

Cameron versoek die publiek om die AfriForum-petisie te onderteken en só buurt- en plaaswagte ʼn noodsaaklike diens vir die duur van die afsondering te maak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

52 Kommentare

jongste oudste gewildste
Anoniem

Ja Cele julle het hulle goed gekeur. Moordenaars en trigger mal. Skiet weerlose diere en dink hulle is verhewe bo die wet. Jy gaan seker nou al hul aanranding, diefstal en verkoop van drank ook toesmeer. Jou mag en weermag is seker die mees korrupte van almal in hierdie land. Jammer Cele maar wat mens sien en hoor wat lede van jou mag aanvang is dit ongelukkig wat ons moet glo. Bewys ons anders. Wys ons jou eerbare polisie mag dan glo ons jou. Maar die artikels en fotos waar hulle staan en sommer uit die bottels suip spreek boekdele.

MarlboroMan

Natuurlik sal hy. Die Mafia het ook hulle “eie Protection” hanteer.

pamela

Sou die buurtwag en patrollie ouens iets verkeerd doen. Kan die polisie mos iets doen teen hulle. Dis regtig nie ‘n goeie verskoning nie.

antieke antie

hy het die mag gekry wat hy nie gehad het toe terroriste nog by die naam genoem is nie…. en hy gaan nie daai mag deel met groepe wat suksesvol teen kriminele is nie…. dan gaan baie mense nie meer bribes kan kry nie … nie dat ek glo bribes word minder gevat nie….
terroriste…gangsters… kriminele….. net die naam verander…. verder is daai cancer nog daar

Ansie

Cele is ‘n gek om hierdie tragedie te gebruik om ‘n magspel te speel. Hy moet oppas – dit gaan hom in die gesig byt.