Byna R800 miljoen se skade aan kampusse aangerig

studentebetogings 2015 feesmustfall fees must fall

Studentebetogings (Oktober 2015) (Foto: verskeie bronne, sosiale media)

Skade van byna R800 miljoen is die afgelope drie jaar – sedert die ontstaan van die #FeesMustFall-beweging – aan universiteitskampusse landwyd aangerig deur protesterende studente.

Naledi Pandor, minister van hoër onderwys en opleiding, het dit bevestig in antwoord op ‘n parlementêre vraag deur prof. Belinda Bozzoli, DA-LP.

Die totale hoeveelheid skade op universiteitskampusse die afgelope drie jaar beloop R786 miljoen. Die grootste skade is aangerig aan die Noordwes-Universiteit se Mahikeng-kampus, waar R198 miljoen se infrastruktuur en toerusting vernietig is. By die Universiteit van Johannesburg is R144 miljoen se skade aangerig en by die Universiteit van KwaZulu-Natal R100,3 miljoen.

Die minste skade is aangerig by die Universiteit van Mpumalanga en die Universiteit van Venda (nie een van die twee kampusse het enige skade gely nie) en die Sefako Makgatho Mediese Universiteit (vroeër bekend as Medunsa), waar die skade beperk was tot R50 000 (een toegangshek).

Bozzoli het gesê die DA keur die vandalisme geheel en al af. Boonop is die skade volgens haar nie beperk tot die bedrae wat genoem word nie. Ekstra klasse en ekstra eksamens moes deur universiteite gefinansier word. “Die DA spreek hom uit teen geweld en chaos, en teen die slap manier waarop die regering die kwessie hanteer het. Die gevolge van hul inkalwery is dat geen finansiering vir 2019 al goedgekeur is nie, wat beteken daar kom ‘n opeenhoping met finansiering teen die einde van die jaar,” het Bozzoli gewaarsku.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Paul

Genadige vader Jan-Jan, moet jy nou hierdie vir ons net voor nasionale vrouedag en die braai langnaweek kom vertel?

Ad

Ek werk by een van die kampusse en geen bonusse en minimale verhoogings is gee met die verskoning van Feesmust fall. Verhooging van 4.5% vir laaste 3jaar. Ek moet so vreeslik sny met alles wat op gaan. Dan die belasting so hoog veral op ekstra werk om dit probeer te maak. Ek besef as mens van salaris belasting praat, werk ek amper 5maande net vir regering.

Verwoes

Sal die gegradueerdes eendag soveel belasting loswerk om in n mate daarvoor te vergoed?

Boland

En hulle stem nogsteeds A N C.Vir ewig agtergeblewe.

Paul

Dit is ‘n skande dat opgevoede jong mense en toekomstige leiers van die land sulke skade kan aanrig. Dit is ‘n skande dat opgevoede volwassenes en die regering dit kan toelaat.