‘Castro moet nié ons rolmodel wees’

fidel-castro-brealtv

Argieffoto: Fidel Castro

Die vakbond Solidariteit het Donderdag na adjunk-president Cyril Ramaphosa gekap nadat hy Fidel Castro as “een van die grootste revolusionêre van ons tyd” beskryf het.

Dr. Eugene Brink, senior politieke navorser by die Solidariteit Navorsinginstituut, het gesê Ramaphosa moet “sy ideologiese bril afhaal” en Castro na behore beoordeel as “ʼn moorddadige, onverdraagsame diktator wat vryheid ingeperk het”.

Dit volg nadat Ramaphosa Woensdag, tydens ʼn roudiens vir Castro in Khayelitsha, Kaapstad, gesê het Suid-Afrika het ʼn leier soos Fidel Castro nodig wat die belange van sy land voor sy eie stel.

Volgens Brink het Suid-Afrika reeds genoeg Castro’s wat as’t ware net hul eie belange dien onder die dekmantel van sosialisme. “Castro het ʼn ideologie – en daarmee saam sy eie belange – bo sy land geplaas en duisende mense het met hul lewens daarvoor geboet,” het Brink gesê.

“Castro was inderdaad beginselvas en het juis die verkeerde beginsels rotsvas en met ʼn ystervuis toegepas. Hy het armoede eweredig onder die bevolking versprei en sodoende al die talentvolle mense uit die land gedryf.”

Brink het verder aangevoer demokratiese waardes en beginsels, soos die reg van assosiasie, organisering, protes, spraakvryheid en arbeidsvryheid, is sedert die aanvang van Castro se bewind erg geskend en growwe skendings daarvan kom vandag nog voor. Volgens Brink strook hierdie waardes gladnie met Suid-Afrika se politieke kultuur nie.

“Ramaphosa kyk eenogig na Castro se relatiewe suksesse in die gesondheidsektor en onderwys en nie na die ontheemding, onderdrukking en moorde wat onder Castro se heerskappy plaasgevind het nie. Tussen 1959 en die laat 1990’s is sowat 100 000 Kubane om politieke redes gevange geneem. Geweld is teen almal gebruik wat durf waag het om krities te wees. Is dit nie die soort goed waarteen die ANC baklei het nie?” het hy gesê.

“Wat help dit jy kry gratis gesondheidsorg as jy dae lank in toue daarvoor moet wag en jou werktyd – wat vir die mediese sorg moet betaal – daarvoor moet mors? Dit help ook nie jy lei ingenieurs en medici op net sodat hulle moet immigreer om iets van hul lewens en loopbane te kan maak nie.”

Castro, die voormalige president van Kuba, is verlede Saterdag in die ouderdom van 90 in Havana dood. Castro was amper 50 jaar aan bewind, van die gewelddadige magsoorname in 1959, tot sy aftrede in 2008. Pres. Jacob Zuma het vandeesweek na Kuba gereis om Castro se begrafnis by te woon.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Jan

Waarom het Rama dit werklik gesê? Kom agter die kap van die byl.

Josua Keys

Dit is waarom daar aardverwarming tans is dit is mense soos die wat die hel se vure net sterker laat brand dit het niks met klimatisering te doen nie, dit is al die ongelowiges. moordenaar, verkragters en inbrekers wat dit helse hitte golwe regoor die wereld veroorssaak en dit gaan nog erger raak!!!

TTh

Soort soek soort, of dan ‘brothers in crime’ = semels. Dit kon nie anders nie.

Manie

Wêreld n beter plek vandag na die man se heengaan

Chris

Die ou gesegde lui mos, soort soek soort. As jy saam met die honde lê gaan die vlooie jou vreet. Ek kan dit nie glo dat enige regdenkende persoon ‘n ophef van Castro kon maak nie. Hy was ‘n onstabiele skisofreniese diktator. Maar so is dit mos. in Spreuke sê dit “wee die land waar die slaaf koning word”