Catzavelos pleit skuldig

Adam Catzavelos. (Argieffoto: Mia Spies/eNuus)

Adam Catzavelos, die man wat ʼn video van homself gemaak het waar hy in Griekeland die k-woord gebruik en wat toe in die openbare domein beland het, het Donderdag skuldig gepleit op ʼn aanklag van crimen injuria.

Catzavelos en die Menseregtekommissie (MRK) het in Augustus ʼn skikkingsooreenkoms aangegaan nadat die kommissie hom van haatspraak ingevolge die Gelykheidswet aangekla het.

Die ooreenkoms behels dat Catzavelos oor ʼn tydperk van 30 maande R150 000 aan ʼn liefdadigheidsorganisasie moet betaal. Hy moet ook om verskoning vra vir sy uitlatings.

Sy strafregtelike vervolging het egter voortgegaan en hy het vanoggend in die Randburgse landdroshof skuldig gepleit op die aanklag teen hom.

Sy regsverteenwoordiger, Lawley Shain, het aan die hof gesê Catzavelos erken sy gebruik van die woord het die waardigheid aangetas van diegene wat dit gehoor het, het News24 berig.

Hy het voorts gesê Catzavelos het die uitlating gemaak terwyl hy onder die invloed was én nadat hy kort tevore twee keer die slagoffer van misdaad was. In albei gevalle was die oortreders swart mense. Catzavelos se regsverteenwoordiger het ook gesê hy aanvaar verantwoordelikheid vir sy optrede.

Die EFF het die klag teen Catzavelos ingedien nadat die betrokke video op sosiale media beland en blitsvinnig versprei het.

Vonnisoplegging vind in Februarie plaas.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Michael P

Plus die man liewers 228 bedrog sake teen hom gehad het dan het hy net 5jaar opgeskort vir 5 jaar gekry en dan hoef hy ook nie eers omverskoning te vra nie

Arak

Maar is die man nie dan nou “skuldig” aan ‘n wet wat ongrondwetlik is nie? Is hy dan werklik skuldig of mis ek iets?

Sakkie

Die “oortreding ” was nie eers in die land gepleeg nie.

Pieter Pieterse

Ek sou nie skuldig gepleit het nie. Kan iemand met regs ondervinding dalk laat weet of daar werklik regsgronde is om hom skuldig te bevind aan Crimen injuria? Dit wil voorkom of ‘n gedeelte van die samelewing se straf nie tred hou met die oortreding nie. Ek wens die mensie wil saamstaan teen hierdie “oor-bestraffing”, ek weet van Vicky, maar meer nugter denkend. Verkeerd moet gestraf word maar woorde wat nie aanhitsing as gevolg het nie is maar eintlik skadeloos behalwe vir die wat aan ‘n “slagoffer sindroom” ly. Antwoord asb. Gee jou mening.

Ekke

Die span wat die grootste geraas maak se leier kan dan nie eers skuldig bevind word aan soortgelyke klagtes nie – en hy doen sy ding sommer in ons land sonder om onder die invloed te wees !!! Seriously dubbel standaarde mense. Die wet is nie net blind nie maar skeel ook.