Argieffoto: www.safaribill.com
Theo Bronkhorst, die professionele jagter wat glo die jag op Cecil die leeu gereël het, is Dinsdag in hegtenis geneem nadat hy glo probeer het om swartwitpense onwettig in Suid-Afrika in te smokkel.
ITV News Africa het berig Bronkhorst (52) is in Bulawayo in Zimbabwe in hegtenis geneem. Dit kom nadat drie Suid-Afrikaners Sondag vasgetrek is toe hulle glo probeer het om 29 swartwitpense onwettig uit Zimbabwe na Bela-Bela (Warmbad) te smokkel.
Die Zimbabwiese The Sunday Mail het berig Edwin Hewitt (49), Hendricks Johannes Blignaut (41) en John Herbert Pretorius (49) is deur die polisie en Zimbabwe se parke-en-natuurlewebestuur-owerheid in hegtenis geneem toe die twee vragmotors waarin die bokke vervoer is, in modder by Beitbrug vasgeval het.
Caroline Washaya-Moyo, woordvoerder van die owerheid, het gesê die mans het glo nie die nodige vang-, vervoer- of uitvoerpermitte gehad om die diere na Suid-Afrika te bring nie. Volgens The Sunday Mail is die diere meer as R4,6 miljoen werd.
Bronkhorst het na bewering die swartwitpense, waarvan die horings langer as normaal en gesog is onder internasionale jagters, van Zambië ingevoer en was van plan om dit aan Suid-Afrikaanse wildboere te verkoop.
Bronkhorst het vroeër internasionaal kritiek ontlok nadat hy saam met sy kliënt, dr. Walter Palmer, ʼn tandarts van Minnesota in die VSA, die bekende leeu, Cecil, geskiet het. Bronkhorst staan tereg op aanklagte van stropery omdat hy glo nie die nodige permit gehad het om Cecil te jag nie. Hy het skuld ontken op die klagte teen hom en is in Augustus op borgtog van R12 000 vrygelaat.
Die ou is lyk my nou maar eenmaal “scaley”.
Lyk my ou Theo is die “Godfather” van die wildbedryf…… Sommige mense tog…….
Nou moet Palmer en Ndlovu hom net volg.
Hierdie is n man om dop te hou. Dit wil voorkom of hy net maak soos hy wil en daarmee wegkom. Kan n uitstekende speurder nie bietjie naam maak deur die kerel vas te vat nie?
Mense in die Sosiale media is nou maar eenmaal vinnig om nie net menings te lig nie, maar sommer ook fonnisse uit te reik. Gelukkig darrem nou ook nie almal nie.
Die punt wat ekk wil maak is eenfoudig dit: Al die feite is mie bekend nie en verseker nie in diemedia nie. Dus stel ek voor ons wag maar dat die gereg sy gang gaan en maak dan oordele. Nie dat die oordeel ons toekom nie. Die ding is so, Ken ek die ou, weet ek watter soort van mens hy is en kan ek hom sommwr so skuldig bevind? Ek sink nie so nie…
Paul, hier’s my 2 cents worth. As mense konstant in die media opkom as deel van misdrywe, is my gevoel “guilty until proven innocent”. Daar’s te veel mense wat wegkom deesdae JUIS oor die hele “innocent until proven guilty” scenario. Ek se eerder jammer as ek verkeerd was oor iemand as wat ek iemand sien twak aanvang die heeltyd en dan eindelik wel skuldig is. Te veel kansvatters tussen ons, en ons speel altyd die “ag shame” kaart. Nee wat, ons gemeenskap is nie so onskuldig as wat ons wil glo nie…..
Waar daar ‘n rokie trek is daar ‘n vuurtjie …
Paul, die punt wat ek wil maak is: let op wanneer jy ‘n “v” moet gebruik in plaas van ‘n “f”.
Ja Paul, soos jy sê, dit is ferskriklik om eenfoudig net fonnisse uit re reik.
Ja Paul. Mense find soms onskuldige mense skuldig en dan word hille fermoor foor die staat kan ingryp. Hierdie ou het n kans op n regferdige ferhoor. Daarfoor behoort hy dankbaar te wees. Snaaks as mens se naam so opduik in nuusgebeure . Freemd sou ek sê.
Ek’s bly ons kon jou aand opkikker, Delia :-)
Dit lyk my Bronkhorst kan saam met Zuma en sy inhalige ministers hulle eie klub stig!!!
Sal my nie verbaas as hy n vinger in die “pie” het met die klomp renosters wat so gestroop word nie. Die ou voel vere vir reëls en om ons diere veilig te hou. Maak my bloed nou nog kook as ek dink aan Cicil. Hoop hulle skroef hom goed op.
Nou is Bronkies al somer a renoster stroper .Hy is a baie bekende in die wildbedryf die wat hom ken weet wie hy is . Hulle het baie respek v hom . En onthou Cicil het verdwaal dis waarom hy geboog is .
Busfark van Pletsen. is jy vir “real”? Respek vir “Bronkies” en baie bekend ? As jy respek het vir hierdie skelm dan weet ek nie wat se onderduimse bedrywighede is die ander sogenaamde professionele jagters mee besig nie.
Nou haal julle klomp narre vir Paul uit oor ‘n spelfout asof jy nog nooit een gemaak het nie. Die Bronkhorst man is nou in die spervuur oor ‘n leeujag, Cecil was ‘n leeu, nie ‘n boer nie, waaroor gaan die boehaai? Dis in elk geval nie sonde om goed uit Zimbabwe te steel nie, dis meer soos “Repossession”, hulle besteel ons elke dag in elk geval. En as hulle nou dalk ‘n paar bokke wou deurbring vir ‘n boer van nog ‘n plaas wat beset word, sodat hy darem iets uit die land kon bring, sou julle nog so hard met die oordeel geslaan het? Natuurlik, hang hom, hy het immers ‘n leeu met ‘n naam laat jag, miskien as die leeu nie ‘n naam gehad het nie. Mens weet nie wat die saamelewing sal doen as ek daai steak wat ek vannaand gaan eet ‘n naam gee nie. Ek weet ek oordryf, maar……