Cele aan polisielede: ‘Maak plan met moorde of bedank’

Bheki Cele lê die SAPD en Opod se begroting voor in die parlement. (Foto: ParliamentofRSA /ZKostile)

Bheki Cele, minister van polisie, het Donderdag ʼn ultimatum aan polisiegeneraals gestel om die hoë vlak van moorde in die Wes-Kaap af te bring of om hul uniforms in te gee.

Cele het die SAPD en die Onafhanklike Polisieondersoekdirektoraat (Opod) se begroting in die parlement voorgelê ná ʼn bloederige naweek in die Wes-Kaap. Minstens 13 mense is net die afgelope naweek in verskillende skietvoorvalle in Philippi-Oos dood.

“Ons sit met die hartseer realiteit dat daar vinniger mense in begraafplase begrawe word as wat daar babas in kraamsale gebore word,” het Cele aan parlementslede gesê. “Die herhalende tonele van liggame wat verspreid in die strate van Philippi, Mitchells Plain en Nyanga lê, is onuithoudbaar. Dit is daarom dat ek alle generaals in die Suid-Afrikaanse polisiediens uitdaag om eerder hul uniforms in te gee as hierdie situasie nie verbeter nie.”

Suid-Afrika se moordkoers het tussen April 2017 en Maart verlede jaar met 7% gestyg. Elke dag word 57 mense in die land vermoor.

Bendeskietery in die Wes-Kaap het dié provinsie die berugte reputasie as Suid-Afrika se moordhoofstad gegee. Van die tien polisiegebiede waar die hoogste getal moorde aangeteken is, was sewe in die Wes-Kaap.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
BlinkStephaans

My liewe oom beki…. jy is die minister… jy kry die vet tjek en die fancy kar… jy is die een wat daai generaals moet bymekaar kry… jy is die een wat eerste met n plan vorendag moet kom… wat vir n leier is jy?… jy kom kuier… loop met jou hoed in een straat af… en daar gaat jy. Bring die planne… of is jy net nog een van die ministers wat geen idee het hoe om sy portfolio te bestuur? Deur net te sê het nog nooit n leier gemaak… jy moet wys… lei

Felix

DIS nou die tyd vir wit mense om laag te lê, Jerry, Dirk, Henry, mens mag mos nie ‘n piep oor die boere en plase laat hoor nie, want dan affronteer ons hulle. Maar wat is die realiteit, en as mens na die statistiek vir der jare kyk en wat hulle daaromtrent gedoen het? Dan bewe dit oor jul lippe, “ons moet hulle tog net nie daaroor aanvat nie”.

Jannie van Niekerk

Mnr Cele is net ‘n grootbek wat niks positief doen om moorde (veralplaasmoorde) te voorkom nie.

LR

Beboet hulle met n jaar se salaris. Dis baie maklik weerhou net die salaris van hulle. Dit het tyd geword om daarwerklik en streng op te tree teen hierdie soort misdadegers op te tree.

LR

Volgens Suid- Afrikaners is die polisie die mees korupte instelling in SA. Dis hoog tyd dat die president self ingryp en skoonmaak.