Cele besoek vermoorde Brendin Horner se familie Dinsdag

(Argieffoto)

Die minister van polisie, Bheki Cele, en sy eweknie by staatsveiligheid, Ayanda Dlodlo, gaan die familie van die vermoorde Brendin Horner Dinsdag besoek.

Die grumoord op die jong Vrystaatse plaasbestuurder het skokgolwe deur die land gestuur. Twee mans is reeds in verband met sy moord in hegtenis geneem en pres. Cyril Ramaphosa het die voorval ten sterkste veroordeel.

Siphiwe Dlamini, woordvoerder van die justisie-, misdaadvoorkoming- en veiligheidsgroepering, het gesê die vergadering met Horner se familie sal agter geslote deure plaasvind.

(Foto: Facebook)

“Die twee ministers sal ook met verskeie landbouorganisasies vergader in ʼn poging om die toenemende spanning ná die hofverskyning van die twee verdagtes wat in verband met die moord aangekeer is, te ontlont.”

Die besoek kom ʼn week ná emosies buite die hof op Senekal, waar die twee verdagtes verskyn het, oorgekook het. Honderde mense het na die hof opgeruk in ʼn spontane betoging teen landelike misdaad. ʼn Polisievoertuig is egter onder meer omgekeer en het aan die brand geraak. Skade is ook aan die hofgebou aangerig. Die geweld is uit talle oorde veroordeel, hoewel daar ook groot begrip vir mense se frustrasie met die misdaadsituasie in Suid-Afrika is.

ʼn Boer wat ná die oproer in hegtenis geneem is, verskyn na verwagting ook weer môre in die hof.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Tokkel

Wil net eers weet hoekom Cele solank gevat het om by die familie uit te kom?
Bredin Horner RIP, ons gebede is met jou vriendin en familie.

Sarel

Hoekpm..

Ons het hom in KZN in aksie grsien

Andre

Baie jammer, maar ek sou hom nie ontvang het nie. Nie welkom in my huis nie.

Louis

As dit my kind was het ek cele soos n sleg hond van my werf af gejaag.hy is die een wat ons vuurwapens wil wegvat sodat ons nie ons self kan verdedig teen die moordenaars nie

Termiet

Wat soek hy daar?