Cele oor Senekal: ‘Dis nie ʼn piekniek’  

Bheki Cele buite die hof. Foto: Christel Cornelissen

“Dis nie ʼn piekniek nie. Dit weet ons almal.”

Só het die minister van polisie, Bheki Cele, buite die landdroshof in Senekal gesê waar twee vermeende plaasmoordenaars aansoek doen om borgtog.

Sekwetje Mahlamba en Sekola Piet Matlaletsa word beskuldig van die moord op die 21-jarige Brendin Horner, ʼn plaasbestuurder van die streek.

Saam met Cele is die minister van staatsveiligheid, Ayanda Dlodlo. Die leier van die EFF, Julius Malema, is ook in die hof.

Volgens Cele het sowat 3 000 mense van verskillende organisasies of partye Vrydag na die dorp opgeruk. Geen ernstige voorvalle is tot dusver aangemeld nie.

Cele sê die polisie het sedert Donderdag sy teenwoordigheid in die dorp beduidend verskerp. Verskeie hooggeplaaste offisiere is boonop sedert verlede week, toe chaos aanvanklik tydens die beskuldigdes se eerste hofverskyning uitgebreek het, op die dorp om die situasie te monitor.

Cele sê een mens is tot dusver vir die onwettige besit van ʼn vuurwapen in hegtenis geneem. Verskeie padblokkades is in die omgewing opgestel en volgens die minister is verskeie gewapende mense aangesê om terug te draai.

Julius Malema, Bheki Cele en Ayando Dlodlo in die hof. Foto: Christel Cornelissen

Die twee beskuldigdes se borgtogaansoek word na verwagting laatmiddag hervat en volgens die minister is die polisie voorbereid op enige gebeurlikheid.

“Ons sal wat ook al die uitspraak [oor die borgtogaansoek] is, hanteer,” het hy gesê.

Dlodlo het gesê hoewel geen groot voorvalle aangemeld is nie, was daar plek-plek oproer “wat ʼn mens sal vind wanneer mense met verskillende sienings bymekaarkom”.

Sy het ook gesê sy glo nie dat mense vandag na die dorp gekom het met die spesifieke doel om geweld aan te hits nie.

Volgens die polisie word nog inhegtenisnemings ook steeds verwag in verband met verlede week se oproer. André Pienaar, ʼn sakeman van die dorp, is tot dusver die enigste persoon wat in verband met die geweld buite die hof aangekeer is. Hy is steeds in aanhouding.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Frank

Langs mekaar, sê alles…..

Net ek

Sy ook gesê sy glo nie dat mense vandag na die dorp gekom het met die spesifieke doel om geweld aan te hits nie.

Kom aan wie glo hierdie stelling van Dlodlo. Die eff het dan reeds gesing kill the boer kill the farmer, wat is dit anders as geweld aanhits?? Aangesien borg vir Mnr Pienaar nie toegestaan was nie, sal dit net wys hoe korrup die regstelsel is as hierdie 2 moordenaars borg kry………………..

Misky

Sy dink nie mense het gegaan om geweld aan te hits nie….. Is sy doof en nie gehoor wat die EFF skares vanmore gesing het van “Kill the Boer” nie? Ag asseblief tog man en lieg vir iemand anders!!!!

Debbie

Hoe sê hulle “Birds of a feather , flock together” Hoekom nog wonder oor hulle.

Pieter Rubeus

Dit is baie duidelik vandag dat CELE en MALEMA die terroriste is. Daar was geen rede vir die EFF om daar te wees in die eerste plek nie. Cele se plig is om Malema toe te sluit daar en dan vir opstokery en publieke oproer. Die EFF is lankal nie meer ‘n politieke party nie en is duidelik ‘n daar vir oorlog en opstokery. Kyk na die plekke waar hul lede was en die skade wat reeds aangebring is en ek sien nog geen arrestasies nie.