Cele se ‘boeliegedrag’ kan die Kaapse rolprentbedryf miljoene kos

Foto: Courtney Africa/African News Agency(ANA)

Die polisieminister Bheki Cele se “boeliegedrag” toe hy glo ʼn rolprentspan Woensdag tydens sy besoek aan strande in Kaapstad van die Kampsbaai-strand verjaag het, kan die Kaapse rolprentbedryf nagenoeg R24 miljoen kos.

Só sê Dan Plato, Stad Kaapstad se uitvoerende burgemeester.

Cele het na bewering ongeveer 16 polisiebeamptes aangesê om die rolprentspan van die strand af weg te jaag ten spyte daarvan dat die span oor ʼn geldige permit beskik het wat deur die Stad Kaapstad uitgereik is.

“Cele is nie meer die nasionale kommissaris nie – hy is in 2012 uit die pos ontslaan en is nou ʼn minister wat geen mag het om ʼn polisiebeampte op te lei nie,” het Plato in ʼn verklaring gesê.

“Cele se onwettige optrede sluit in die uitreiking van opdragte aan operasionele polisielede, wat hy nie gemagtig is om te doen nie.”

Die Stad het reeds die hooggeregshof genader om ʼn interdik toe te staan wat die polisie verhoed om verder onwettig in die wettige verfilming van rolprente in te meng. Die saak word Vrydag aangehoor.

Plato het ook gesê hy sal aan pres. Cyril Ramaphosa skryf om te vra of hy die vernietigende en onwettige gedrag van Cele ondersteun, en indien nie, watter stappe hy beplan om die minister se boelietaktiek aan te raak.

Die saak is ook na die parlementêre etiekkomitee verwys.

Nóg 11 rolprentspanne het die Stad ingelig dat hulle hul werk eers sal staak uit vrees vir verdere finansiële verliese, indien hul verfilming moontlik ook ontwrig word. Hierdie kansellerings is teen ʼn koste van R1,2 miljoen per filmspan.

“Hierdie koste sluit nog nie eens hotelle, vlugte en ander koste vir honderde filmspanlede en ondersteuningspersoneel in nie. Almal voldoen aan die nodige Covid-19-regulasies terwyl die bedryf stadig maar seker weer sy voete ná die maande lange afsonderingstydperk vind.”

Plato het JP Smith, burgemeesterskomiteelid vir veiligheid en sekuriteit, geloof nadat hy Woensdag teen Cele opgestaan het en sy swak begrip van die nasionale Covid-19-regulasies reggestel het.

Albert Fritz, die minister van gemeenskapsveiligheid in die Wes-Kaap, het ook Cele se gedrag veroordeel. Hy sê polisielede werk hard om eerder misdaad in hul gemeenskappe te beveg. Hy sê polisieteenwoordigheid is juis nodig in gebiede wat veral op vakansiedae soos Woensdag erg onder misdaad gebuk gegaan het.

“Vanjaar was daar altesaam 1 640 moorde in die 11 prioriteitsgebiede, wat almal in die Kaapse Vlakte geleë is. Dit beslaan 44% van die moorde in die provinsie vir hierdie jaar,” beklemtoon Fritz.

“Swaar gewapende polisiebeamptes is nie nodig om toesig te hou oor die nakoming van gesondheids- en veiligheidsprotokol deur gesinne op Wes-Kaapse strande nie, veral nie as die polisie en die Stad se wetstoepassers reeds uitgebreide feestydplanne in werking stel nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Hennie

Die ANC se “god” complex word al hoe meer sigbaar… Maar die regte God slaap nie!

Strandloper

Snaaks hoe vinnig ENCA gister die berig verwyder het. Dit was n toonbeeld van obsolute onnoselheid en mags misbruik.

Johan

Wie dink hy is hy! Polisie en weermag is nie daar om burgers te boelie nie. Regulasies teen n siekte toestand moes nooit so afgedwing geword het nie, net soos met ander siektes moes dit slegs n media veldtog gewees het (wat dit was) NIKS meer nie. Nou sit ons met n polisiestaat wat geen respek v enige regte het nie en wat ook nie weer gaan stop nie, almal dink dis hul kan vir ander sê wat om te doen, nes die ou met die hoed.

JM

Cele wil tog so graag in totale beheer wees; ál manier wat hom belangrik laat voel. Hy moet jammer gekry word! Iemand wat minderwaardig is tree só op.

Hennie J

Al hierdie dinge wat almal teen hierdie buffel aanhangig wil en gaan maak sal hom geensins pla nie. Hy is mos n erekende boelie wat deur our people beskerm word, MAAR hoekom is die metro se mense nie n bietjie kreatief nie en konfronteer hom met n regsaksie wat insluit n persoonlike kostebevel weens die skade wat hy persoonlik aangerig het.