ʼn Video wat op sosiale media versprei word van polisieminister Bheki Cele by ‘n partytjie, is nie op Oujaarsaand in 2020 geneem nie, het die ministerie van polisie gesê.
Die video wys Cele by ʼn geleentheid, sonder ʼn masker en waar sosiale distansiëring nie toegepas word nie, soos vereis word tydens die Covid-19-pandemie.
“Bheki Cele geniet Nuwejaars met al die sosiale distansiëring” het ʼn sosialemediagebruiker op Twitter gesê via ʼn groep genaamd “Sick of Corruption & Racism”. “Afsonderingsreëls geld slegs vir plebs, Covid raak nie wetmakers nie. Covid gee ons politici ʼn zero-infeksie-permit, eish.”
Die ministerie van polisie ontken egter dat die video op 31 Desember 2020 verfilm is. “Die video is in 2017 geneem en nie op #NewYearsEve2020 onder die gewysigde vlak 3-afsonderingsregulasies, soos sommige sosialemediagebruikers beweer nie,” het die SAPD op Twitter gesê.
ʼn Petisie is ook intussen op die webwerf change.org deur ʼn privaat persoon begin waar versoek word dat Cele as die minister van polisie afgedank moet word. “Hy misbruik herhaaldelik sy mag. Hy het geen agting vir die wet nie,” lui die beskrywing. Sowat 3 300 persone het reeds die petisie onderteken.
Minister of Police Bheki Cele breaking the lockdown restrictions, no mask no social distance.
https://t.co/wgv35XnOgT— Engage With Dumi (@Dumi18247646) January 2, 2021
#PoliceMinistry The Police Ministry has noted the circulation of a video of @SAPoliceService Minister Gen Bheki Cele at a social event. The video was taken in 2017 & not on #NewYearsEve2020 under the adjusted #Level3Lockdown as suggested by some social media users. #WearAMask pic.twitter.com/n1GEoNUwol
— SA Police Service ???????? (@SAPoliceService) January 2, 2021