‘n Skermskoot uit die advertensie.
Maroela Media het vroeër berig die GRS het meer as 50 klagtes ontvang oor die advertensie. Die advertensie wys hoe ʼn man inkopies doen, vir parkering betaal, brandstof ingooi, onder ʼn e-tolhek deurry, onder beurtkrag gebuk gaan en rekeninge betaal. Die aksies gaan telkemale gepaard met ʼn bronstige hond wat die man aan sy been beetkry.
Die klaers het onder meer aangevoer dat die advertensie ʼn hond wys wat seksuele dade uitvoer en dat dit ongeskik en eksplisiet is vir blootstelling aan kinders. Daar is ook aangevoer dat die advertensie misleidend is aangesien dit gedrag toon wat nie algemene gedrag onder honde is nie en dat dit moontlik op dieremishandeling neerkom.
Die GRS het bevind hoewel die advertensie ʼn seksuele metafoor bevat, dit ʼn metafoor is wat die teikengehoor sal verstaan om die boodskap oor te dra dat Cell C ʼn produk of diens aanbied wat beter waarde vir geld is, in teenstelling met ander instansies waar ʼn mens “uitgebuit” word.
Volgens die GRS is dit verstaanbaar dat hoewel sommige mense die advertensie as kras en in swak smaak sal beskou, die ooglopende metafoor nie verlore sal gaan vir die gemiddelde verbruiker nie. “Die klagtes word gevolglik verwerp en die respondent word daaraan herinner om by sy onderneming te bly dat die advertensie slegs uitgesaai sal word tydens waterskeidingsperiodes en tydens programme wat nie op kinders gemik is of waarskynlik deur hulle gekyk sal word nie.”
Klik hier vir die vorige berig en om die advertensie te kyk.
Cell C dra die boodskap oor dat hy beter diens lewer as ander, klomp snert. Ek het Cell C data gekoop ter waarde van R300 en die data het ‘n verval datum, die Cell C toring in ons dorp het foutief geraak en Cell C kon nie onderdele bekom. Nou het die data verval sonder dat dit gebruik is. Die inbelsentrum beskik oor onbevoegde personeel, so ook Cell C op FB en so ook Cell C winkel Riverside Mall Nelspruit. Nie een van die instansies kan binne 6 weke die probleem (my geld terug gee) oplos.
Die ad is bloot werklike swak smaak.
Sal moet stem, dis inderdaad swak smaak
AG DAVE ‘GET REAL’ DIE ADVERTENSIE IS NIE VIESLIK NIE. HET JY AL GESIEN WAARNA DIE KINDERS KYK OP HULLE SELFONE EN LAPTOPS? WORD WAKKER! MOENIE KINDERAGTIG WEES NIE. EK KRY OP MY OUDERDOM SKAAM VIR DIE GOED WAARNA DIE KINDERS KYK. DIE ADVERTENSIE GEE IETS OM OOR TE GLIMLAG. DANKIE CELL C
Pixie, op jou ouderdom behoort jy al van beter te weet as om te skreeu in forums. :-(
Pixie, ek stel voor jy doen aansoek by Cell C. Jy sal waarskynlik hou van die werk.
DIe ad is toonbeeld van die hoe siek ons samelewing is. Alle produkte moet mos geadverteer word met of kaalbasse of seksuele ondertone! Is dit dan nou al wat mense se aandag trek?
Die Vader behoed die arme kinders van die klaers sou hulle in die publiek twee bronstige brakke gewaar wat die roep van die natuur antwoord. Die kinders sal seker psigo terapie nodig he. Mense kan so kleinlik wees…
Ryno dis nie die media se verantwoordelikheid om my kinders op te voed soos hulle goed dink nie! Ek dink regtig jy moet bietjie introspeksie be-oefen.
Net biki verkeerd. Dis wat ALLE selfoon maatskappye met ons doen. Hoor by my vriende talle en talle klagtes van al die diensverskaffers. Ek self ervaar ook talle probleme met my netwerk. Om oor te skakel help niks! Ons kan nie wegkom van daai hond af nie.
Dit is sleg vir kinders! Die natuur is heeltemal n ander storie. Om so simpel te wees op tv wat as “familie” saam gekyk word is dit uiters swak! As ouer is dit vrek moeilik om jou kind groot te maak in die land. Mense is nie kleinlik oor sulke goed nie, maar probeer eerder hul kinders van sulke simpel goed te beskerm. Ek as ouer probeer my beste, en ja, ons sien alles en doen dinge wat dorps jappies nie sal doen nie, maar jy wys nie sulke goed op tv nie!!!
Ai tog is mense nog steeds so bekrompe. Laat my aan die dae dink toe ‘n ou en reeds salige sedebewaker ewe ernstig gewaarsku het dat die dra van minirokkies die oorsaak van die erge droogte is.
Wat ookal mense se opinies, Cell C slaag 100% om die monde te laat gons! :-)
Berhalet, jys presies reg, hulle kry almal se aandag…. Hulle het presies geweet wat hulle doen.
Pixie, Op die keyboard links, derde van onder is n caps lock knoppie ,druk hom asb. Tensy jy dink almal is blind. Gebruik dan asb. uitroeptekens vir ons dowes ook.
Dankie Henri! Sommige mense dink as hulle in hoofletters “PRAAT” dit ‘n groter indruk op die mensdom sal maak…. :-)
Tien maal beter as die kinders met hulle plastiek bekkies. Om nie te praat van die groot vir hulle skoene klomp wat nou opsluit vir grootmense moet oortuig om goed te koop nie. Wens adverteerders wil besef nie almal is opgeklits met kinders nie. En sel C se hond speel beter toneel ook.
Briljante advertensie, DUISENDE kere beter as die “slap tiger” een van die opposisie ….
Wag nou mense. Ek weet almal het nie op die plaas groot geword nie, maar ons kinders sien die dinge daar ook, en ons kan dit nie weghou van hulle af nie.
Net so min as wat ons drank en geweld van hulle kan weghou. Almal gaan die blootstelling een of ander tyd ervaar. Die Ooievaar en Kersvader bestaan tog nie regtig nie.
Jy is heeltemal reg Martin blootstelling, maar asb tog, op die regte plekke, soos die natuur.
Maak nie saak… oumense, jong mense, kinders wat ookal bly nog steeds swak! Hulle maak so ‘n oulike hondjie lelik…. Dis simpel man, mense kan nie meer ordentlike advertensies maak nie. Wil nie eers praat van Vodacom se irriterende advertensie nie..
Hou op dinges en kou oor iets humoristies, en waar. Ek wed al die pruime wat so kla se kinders het die beste selfone en tablets op die mark, en dan is hulle bekommerd oor een advertensie. Snaaks dat dit julle nie pla dat julle arme bloedjies misdaad statistiek kan word nie. Bekommer julle eerder dat jul kinders ‘n kaping, huisroof, verkragting of selfs die moord van ‘n ouer moet aanskou !
Alles behalwe humoristies.
Daar is ‘n groot verskil as honde paar, en hierdie advertensie van Cel C is
ongepas om die minste te se.
Ek sal nie van Cell C gebruik maak nie vanwee vorige diens probleme, maar puik advertensie. Mense praat daarvan en dis die doel van ‘n advertensie, en dit laat sommige van ons glimlag. Kan nie wag om te sien wat die opposisie nou sal doen nie.