Centurion-areas sonder krag ná substasie brand

Foto: Twitter

Talle buurte in Centurion is sonder krag nadat ʼn substasie Vrydagaand tydens ʼn storm deur weerlig getref is.

Die Tshwane-metro het gesê die Brakfontein-substasie is deur weerlig getref wat gevolglik ʼn brand veroorsaak het.

Amberfield, Heuweloord, Rooihuiskraal-Noord, Hennopspark en Wierdapark is van die buurte wat deur die voorval geraak word.

Volgens die metro is tegnici op die toneel en word die omvang van die skade nog bepaal. Daar sal na verwagting eers later vandag vasgestel kan word hoe lank dit gaan neem op die kragtoevoer te herstel.

Foto: Twitter

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Ellisras

My seun het ‘n generator gaan koop. Stap net agter die dreuning aan.

Tant Ralie

Betrek die grondeisers, hulle moet die probleem help oplos.

Johanna Botha

Baie elektriese kaste word ook net oop gelos dat reen kan inkom en daar skop die krag uit …..wonder hoekom ??????

John

Was dit werklik die oorsaak? Hoekom soek hulle nie nader aan die aarde die oorsaak nie. Die koerante waarsku juis teen sabotasie. Maar Eskom erken nie maklk sy fout nie…

ES

Eskom is seker te bly om die krag te spaar.