Centurion-onnie van molestering aangekla

skool-21.jpeg

Argieffoto

ʼn Saak van seksuele aanranding is teen ’n onderwyser van Centurion aanhangig gemaak ná bewerings aan die lig gekom het dat hy glo 23 leerders seksueel aangerand het.

Lt.kol. Lungelo Dlamini, woordvoerder van die polisie, het Woensdag aan Maroela Media bevestig dat ʼn klag van seksuele aanranding teen ʼn onderwyser van Valhalla Primary School in Centurion aanhangig gemaak is.

Volgens Dlamini neem die polisie tans verklarings by dié skool af om meer inligting oor die beweerde gebeure te bekom.

Intussen is die onderwyser uit sy pos verwyder. Volgens Steve Mabona, woordvoerder van die Gautengse departement van onderwys, is die departement deeglik bewus van die aantygings. Die departement het gevolglik  ʼn span afgevaardigdes vandag na die skool gestuur om ondersoek in te stel. Dit sluit beraders in.

Volgens Mabona duld die departement geen bewerings van seksuele wangedrag nie. “Indien die aantygings bewys kan word, sal die departement nie huiwer om beslissende stappe teen die beskuldigde te doen nie,” sê hy.

Die departement monitor tans die situasie.

Hoewel die polisie ʼn strafregtelike aanklag teen die onderwyser ondersoek, is niemand nog in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
ZAAN

VALHALLA IS IN VALHALLA, EN NIE IN CENTURION NIE! EK BEHOORT TE WEET, HET DAAR GROOT GEWORD EN DAAR SKOOL GEGAAN!!!

EF

Julle baklei oor in watter area dit is – REGTIG ??
Dit gaan hier oor kinders wat seksueel aangerand is – maak dit regtig saak in watter area dit is?
Die KLEM moet wees oor die siek mensdom!!

leser

dis nie valhalla wat veroordeel word nie, dis die onderwyser, het jy nou regtig gedink jy sal nie uitgevang word nie
onderwyser , jy is n groot mens tussen kinders, maar n kind tussen grootmense, min verstand vir n onderwyser

Anel

Daar bestaan nie so ‘n skool in Valhalla nie. Dis of Valhalla Primary of die oy Valhalla Laerskool wat nou Valhies Park Primary heet. So watter een is dit. Ek ken altwee die skole want ek woon ook in Valhalla en na regte val ons onder Pretoria en nie Centurion nie.

Jerry

Dit klink my dit gaan maar rof daar in Valhalla.