Centurion-tiener gevind

Caru-Mari Coetzee.

Caru-Mari Coetzee.

Die 14-jarige meisie van Centurion wat Vrydagaand uit haar ouerhuis in Rooihuiskraal verdwyn het, is Sondag gevind.

ʼn Grootskaalse soektog is Saterdag na Caru-Mari Coetzee van stapel gestuur.

Herman, Caru-Mari se pa, het Sondagmiddag aan Maroela Media bevestig dat sy dogter gevind is. “Ons het haar nou net opgelaai. Sy is veilig. Sy is by ons in die motor.” Herman het gesê hy sal later meer besonderhede aan Maroela Media verskaf. (Lees die opvolgberig hier.)

Herman het vroeër gesê sy dogter het omstreeks 12:00 ʼn vriendin gekontak. “Ons weet darem nou sy is oukei. Die polisie is betrokke en gaan haar nou probeer opspoor.”

Maroela Media het vroeër berig dat Herman, sy vrou Linda en Caru-Mari Vrydagaand tuis was en televisie gekyk het. “Caru-Mari het so 21:20 gesê sy gaan nou slaap. Ek en my vrou is so 23:15 bed toe en het gesien Caru-Mari is nie in haar kamer nie.”

Die gemeenskap van Centurion, tesame met verskeie gemeenskappolisiëringsforums en ander organisasies, het ʼn grootskaalse soektog na Caru-Mari van stapel gestuur nadat die nuus oor haar verdwyning op die Facebook-groep People who live in Centurion gedeel is. Die groep het meer as 27 000 lede.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

55 Kommentare

jongste oudste gewildste
Martie

Lyk na bedorwe kind.

Reinette

Ek is bly sy is nou veilig maar waardeer glad nie die feit dat haar familie die gewone ou op straat uittrap oor opinies op facebook nie. Dis inelkgeval hulle wat eerste media toe gehardloop het en dan die publiek oor die vingers tik oor opinies omdat ons glo nie die waarheid weet nie…so asb vertel ons die waarheid oor hierdie hele vermis klug want glo my daar is regtig mense daar buite wat help soek het en ek twyfel of baie van hulle weer hulle naweek gaan opoffer na so sirkus

Jeanette

Kan jy oordeel? Ken jy hulle?

Marnies

Ek glo regtig ni dis maklik om tieners groot te maak ni, maak ni saak hoe hard di ouers probeer ni. Dis ni altyd di ouers se skuld of iewers waar hulle onderrig te kort kom ni. Ek is net bly sy is okay. Ons moet nooit ophou bid vir ons kinders ni, nooit ni, mens kan ni in vandag se tyd sonder di Here klaar kom ni.

Charlotte

No child would put their parents through this ordeal with out reason. Children try shout out for attention in. Different ways. I hope the. Parents try find the true source of her unhappiness