Chaos in Parkwood

Foto: Twitter via @waseembrown.

ʼn Gedeelte van Prince Georgeweg suid van Kaapstad was teen Sondagmiddag gesluit vir verkeer in albei rigtings nadat gewelddadige betogings uitgebreek het tesame met ʼn poging tot grondgryp in die Parkwood omgewing.

Prince Georgeweg tussen Hyde- en De Waalweg is met brandende buitebande versper.

Die plaaslike raadslid sou glo die gemeenskap Sondagmiddag toespreek.

Lt.kol. Andre Traut, woordvoerder van die polisie, het aan Maroela Media gesê die polisie is steeds op die toneel in Parkwood waar gewelddadige inwoners die strate ingevaar het oor ʼn “behuisingskwessie”.

“Skade is aan sakeondernemings in die omgewing aangerig. ʼn Ambulans is ook met klippe bestook en sake van kwaadwillige saakbeskadiging is aanhangig gemaak,” het Traut gesê.

Volgens hom is niemand tydens die betogings beseer nie en niemand is nog in verband met die voorval in hegtenis geneem nie.

“Ons sal in Parkwood aanbly om toe te sien dat orde gehandhaaf word en totdat ons tevrede is dat die omgewing weer rustig is,” het hy gesê.

Foto: Twitter via @waseembrown.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Ad

Wie moet nou die skade betaal. Gedog minister Sisulu gese almal in die land is beskaaf…

ferdi

Alles is mos di wittes se skuld en apartheid te min regstellende aksies of transformasi moeni opbou ni breek af geen mens sal in di land bele ni

Penellope Jones

……….en hierdie is seker maar net die begin …………….

kobus

Daar gebeur niks met hulle nie.so dis hoekom hulle aangaan

Hanna Hoekom

Die ANC wil die Weskaap onregeerbaar maak met die oog op vlg jaar se verkiesing. Dit is baie duidelik!