Chaos in Pretoria toe betogers opruk

Betogings op die hoek van Walt-en-Scheidingstraat in Pretoria. (Foto: Twitter)

Die situasie is tans weer “kalm” nadat betogers Donderdagoggend tydens spitsverkeer chaos in die noorde en weste van Pretoria veroorsaak het.

Sr.supt. Isaac Mahamba, woordvoerder van die Tshwane-metropolisie, het aan Maroela Media gesê betogers het sedert die vroeë oggendure in verskillende dele van die stad opgeruk. Gebiede soos Soshanguve, Mabopane, Hammanskraal en veral Van der Hoffweg en Bremerstraat voor die Daspoorttonnel in die Pretoria Tuine-gebied word deur die betogings geraak.

Verkeer hoop sedert vroeg vanoggend in dié gebiede op aangesien verskeie paaie met brandende buitebande versper is.

Volgens Mahamba is daar geen aansoek om ʼn wettige protesaksie te hou by die toepaslike owerhede ingedien nie en vanoggend se protesaksie was dus onwettig.

Hy meen dat dit moeilik is om te sê hoeveel betogers aan dié onwettige betogings deelneem aangesien verskillende groepe betogers in verskillende gebiede opgeruk het. Al die betogers het egter een doel voor oë, en is na wat berig word ongelukkig oor onder meer die vlak van dienslewering in die stad.

Mahamba kon egter nie die rede vir die betogings bevestig nie.

Hy het wel verseker dat die metropolisie die situasie monitor en geen geweld gedurende die protesaksie sal duld nie. “Die situasie is nou kalm en ons monitor die situasie om die veiligheid van motoriste te verseker.”

Paaie na die Pretoriase sakesentrum was ten tyde van publikasie steeds gesluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Alida

Hulle moet met al die SAPD vangwaens daar stilhou en inlaai soveel as wat hulle kan en gaan toesluit. Dit is onaanvaarbaar om so tekere te gaan en die hele stad te ontwrig. Daar is ander beskaafde maniere om jou griewe onder iemand se aandag te bring. Traanrook en rubberkoeels sal ook die ding doen. Hulle spat dan gewoonlik uitmekaar en hardloop weg. Seker nie werk toe nie want hulle het nie werk nie sommer die bosse in.

Belaglik

EN SO KOM DIE BETOGERS NIKS OOR WAT ANDER MENSE ONTWRIG EN EIENDOM BESKADIG NIE, MAAR TOE DIE BOERE die Maandag VREEDSAAM byeengekom het het MALEMA en almal AANGEGAAN omdat ons HULLE kinders verhoed om skooltoe te gaan . maar dis ok as HULLE (die betogers van EFF en ANC en BLF en alle ander politieke partye ) ONS VERHOED om werk toe te gaan en ONS kinders verhoed om skool toe te gaan … DUBBELE STANDAARDE VIR VERSKILLENDE KLEURE MENSE IN HIERDIE LAND>

Helena.

Mense julle ken mos nou al die beleid van die land..aanvaar want niks gaan verander nie. Hulle doen wat hulle wil en daar blaas die eind fluitjie.

MANIE

Hoekom is daar nie betogings in plekke waar anc aan bewind is??

Michael

Die ANC is nou in hul sewenbe hel want dit kan nie in die hemel wees nie